Jeremias 51:27 - Marahay na Bareta Biblia

²⁷ “Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 51:27 ပူးပေါင်းရင်းမြစ်များ

Genesis 10:3

An mga aking lalaki ni Gomer iyo si Askenaz, Rifat, asin Togarma.

Genesis 8:4

Sa ikadyes y syeteng aldaw kan ikapitong bulan, an arka suminadsad sa ibabaw kan kabukidan kan Ararat.

2 Mga Hade 19:37

Sarong aldaw, kan nagsasamba siya sa templo ni Nisroc na saiyang dios, ginadan siya kan saiyang duwang aking lalaki na si Adramelec asin si Sarezer, dangan nagdurulag ini pasiring sa daga nin Ararat. Si Esarhaddon na saro pa niyang aking lalaki iyo an nagsalihid saiya bilang emperador.

1 Mga Cronica 1:6

An mga aking lalaki ni Gomer iyo si Askenaz, Rifat, asin Togarma.

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Isaias 37:38

Sarong aldaw, kan nagsasamba siya sa templo kan saiyang dios na si Nisrok, ginadan siya kan duwa niyang aking lalaki na si Adrammelek asin Sarezer, dangan nagdulag an mga ini sa daga nin Ararat. Si Esarhadon na saro pa niyang aking lalaki an nagsalihid saiya bilang emperador.

Jeremias 25:14

Babayadan ko an mga taga Babilonia sosog sa saindang mga ginibo, kaya gigibohon sindang mga oripon kan dakul na nasyon saka darakulang hade.’”

Jeremias 46:23

asin nagraraot kan sarong mahibog na kadlagan. An saindang mga tawohan kadakul nin marahay kaya dai mabilang; mas dakul sinda ki sa mga doron.

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 50:9

Huli ta susuratan ko an sarong grupo nin makokosog na nasyon sa amihan tanganing salakayon an Babilonia. Malinya sinda sa pakigera asin sasalakayon ninda an Babilonia. Mga eksperto sindang paraayam asin mayo nin nasasayang na bosog kun sinda minapana.

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Jeremias 51:14

An Kagurangnan nin mga hukbo nagsumpa sa saimong sadiri na mapadara nin mga lalaki na arog kadakul sa mga doron, tanganing salakayon an Babilonia, asin makurahaw sinda nin kapangganahan.

Jeremias 51:28

Paandama an mga nasyon sa pakigera laban sa Babilonia. Apoda nindo an mga hade nin Media, an saindang mga lider saka mga opisyal asin an mga hukbo kan mga banwaan na sakop ninda.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Joel 3:9

“Ipahayag nindo ini sa mga nasyon: ‘Pag-andam para sa gera; apoda an saindong mga paralaban; tipona an gabos nindong soldados dangan lakaw na!

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.

Hukom 6:5

Minasalakay sindang dara an saindang mga hayop saka tolda, asin huli ta kadakul sinda, nakakaarog sinda sa mahibog na doron. Sinda asin an saindang mga kamelyo dai mabilang. Minaabot sinda asin rinaraot an daga.