Jeremias 51:25 - Marahay na Bareta Biblia

²⁵ Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Jeremias 51:25 ပူးပေါင်းရင်းမြစ်များ

Genesis 11:4

Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

Salmo 138:7

Maski ako maglakaw sa tahaw nin kasakitan, iniingatan mo an sakong buhay; linalabanan mo an mga anggot kong kaiwal, asin iliniligtas mo ako huli kan saimong kapangyarihan.

Isaias 13:2

Iitaas mo an tanda sa ibabaw kan sarong bulod na mayo nin anoman na nagtatalubo! Kurahawan mo an mga soldados dangan iitaas mo an saimong kamot bilang tanda sa sainda tanganing salakayon an mapaabaw-abaw na syudad.

Jeremias 25:12

Pakatapos kaiyan papadusahan ko an Babilonia asin an saiyang hade huli kan saindang kasalan. Rurumpagon ko an nasyon na iyan saka papabayaan na raot sagkod lamang.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 50:25

Binukasan ko an sarayan kan mga armas, asin ilinuwas ko an mga armas huli sa sakong kaanggotan; huli ta ako, an Kagurangnan Dios nin mga hukbo, igwa nin gigibohon sa Babilonia.

Jeremias 50:31

“Babilonia, pano ka nin kapaabaw-abawan, kaya ako, an Kagurangnan Dios nin mga hukbo, kalaban mo. Nag-abot na an saimong aldaw, an panahon tanganing padusahan taka.

Jeremias 51:53

Maski pa masakat kan Babilon an langit saka makatugdok duman nin makosog na bantayan, mapadara ako nin mga tawo tanganing raoton iyan. Ako, an Kagurangnan, an nagtaram.”

Jeremias 51:58

An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Jeremias 51:7

An Babilonia nagin arog sa bulawan na kalis sa kamot ko, tanganing buraton an bilog na kinaban. Nag-inom kan saiyang arak an mga nasyon, kaya narungaw sinda.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Zacarias 4:7

Magin arog man sa bukid kadakula an olang sa atubangan mo, mawawara iyan. Ika an mapatindog giraray kan Templo, asin mantang ipinapamugtak mo an huring gapo, makurahaw an mga tawo nin, ‘Magayon, magayon!’”

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.

Kapahayagan 8:8

Dangan pinatanog kan ikaduwang anghel an saiyang trompeta. May itinapok sa dagat na garo dakulang bukid na nagkakalayo.