Jeremias 51:22 - Marahay na Bareta Biblia

²² sa paggadan kan mga lalaki saka mga babae, sa paggadan kan gurang saka hoben, sa paggadan kan mga aking lalaki saka mga aking babae,

Jeremias 51:22 ပူးပေါင်းရင်းမြစ်များ

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Isaias 13:15

An siisay man na madakop sasaksakon sagkod na magadan.

Isaias 13:16

An saindang mga aki ipupusak sa atubangan ninda; sasamsaman an saindang mga harong asin lulupigan an saindang mga agom.”

Isaias 13:18

Gagadanon kan saindang mga pana saka bosog an mga hoben na lalaki; dai sinda maheherak sa mga omboy asin sa mga aki.

Isaias 20:4

Hurubang dadarahon kan hade nin Asiria an mga bilanggo na saiyang nabihag hale sa duwang nasyon na ini. Aki asin gurang, malakaw sinda na mayong sandalyas saka huba, mayong tahob an lubot na magdadara nin kasosopgan sa Egipto.

Jeremias 44:7

“Kaya ako, an Kagurangnan nin mga hukbo, an Dios nin Israel, minahapot ngunyan saindo kun tadaw ta ginigibo nindo an siring na karatan sa saindong mga sadiri. Boot nindong darahan nin kapahamakan an mga lalaki saka an mga babae, an mga aki saka an mga omboy, tanganing mayo nin matada sa saindong banwaan?

Jeremias 50:37

Kagadanan para sa saiyang mga kabayo asin pagkaraot para sa saiyang mga karwahe! Kagadanan para sa saiyang tinandanan na mga soldados— maluluya nanggad sinda! Pagkaraot para sa gabos niyang yaman tanganing masamsam an mga iyan.

Jeremias 51:23

sa paggadan kan mga pastor asin kan saindang mga karnero, sa paggadan kan mga paraoma asin kan saindang katabang na mga baka. sa pagdaog kan mga pamayo asin kan mga haralangkaw na opisyal.”

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Mga Panambitan 2:11

Hubag na an mga mata ko sa kahihibi; napupurisaw an kalag ko. Makuri an kamondoan kan puso ko huli sa pagkagadan kan sakuyang banwaan, huli ta nagkakadirismayo an mga aki saka mga omboy sa mga tinampo kan syudad.

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Deuteronomio 32:25

An gera manggagadan sa mga tinampo. An takot mahampak sa mga harong. Mga hoben na lalaki saka babae magagadan, sagkod an omboy na pasusuhon asin an ubanon na gurang.

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”