Jeremias 51:21 - Marahay na Bareta Biblia

²¹ sa pagronot kan mga kabayo saka mga lunad kaiyan, sa pagronot kan mga karwahe asin sa mga nagpapadalagan kaiyan,

Jeremias 51:21 ပူးပေါင်းရင်းမြစ်များ

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Salmo 76:6

Sa saimong pagtuyaw, O Dios ni Jacob, an lunad asin an kabayo parehong nagadan.

Exodo 15:1

Dangan si Moises asin an mga Israelita nagkanta kaining awit sa Kagurangnan: “An Kagurangnan sakong aawitan huli ta dakulang panggana saiyang nakamtan; mga kabayo asin mga lunad man itinapok niya sa kadagatan.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Exodo 15:4

“Mga karwahe asin hukbo nin Egipto sa dagat saiyang itinapok; mga piling opisyal gabos, sa Dagat na Pula nagkaralamos.

Isaias 43:17

Pinangenotan niya an sarong mapangyaring hukbo pasiring sa kapahamakan, sarong hukbo nin mga karwahe saka mga kabayo. Nagkaturumba sinda asin dai na nakabangon, pinalsok sinda siring sa laad nin sarong ilawan.

Jeremias 50:37

Kagadanan para sa saiyang mga kabayo asin pagkaraot para sa saiyang mga karwahe! Kagadanan para sa saiyang tinandanan na mga soldados— maluluya nanggad sinda! Pagkaraot para sa gabos niyang yaman tanganing masamsam an mga iyan.

Ezekiel 39:20

Sa sakuyang lamesa, kakakanon ninda an mga kabayo asin an mga lunad kaini, sagkod an mga soldados saka mga paralaban. Ako, an Kagurangnan Dios, an nagtaram.”

Mikas 5:10

An Kagurangnan nagtataram, “Sa panahon na iyan, kukuahon ko an saindong mga kabayo asin raraoton ko an saindong mga karwahe.

Nahum 2:13

“Ako an saimong kaiwal!” an itinataram nin Kagurangnan nin mga hukbo. “Susuloon ko an saimong mga karwahe. Magagadan an saimong mga soldados sa gera, asin kukuahon ko saimo an gabos na kinua mo sa iba. Dai na nanggad madadangog an tingog kan saimong mga sugo.”

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Zacarias 12:4

Sa panahon na iyan, tatakoton ko an gabos nindang kabayo asin riribongon ko an mga nakalunad diyan. Babantayan ko an banwaan nin Juda, alagad bubutahon ko an mga kabayo kan saindang mga kaiwal.

Kapahayagan 19:18

Madya, kakana nindo an laman kan mga hade, mga heneral saka mga soldados, an laman nin mga kabayo sagkod kan mga nangangabayo, saka an laman kan gabos na tawo, oripon o talingkas, sadit o dakula!”