Jeremias 51:16 - Marahay na Bareta Biblia

¹⁶ Sa pagboot niya minahagubohob an mga tubig sa ibabaw kan langit; pinapaitaas niya an mga alopoop hale sa mga poro kan daga. Pinapasilyab niya an kikilat sa tahaw kan uran, asin pinapaluwas niya an doros hale sa saiyang sarayan.

Jeremias 51:16 ပူးပေါင်းရင်းမြစ်များ

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

An Libro ni Job 37:13

An Dios minapadara nin uran tanganing baribihon an saiyang daga; pwede niyang ipadara iyan sa pagpadusa sa mga tawo o sa pagpahiling kan saiyang pagkamoot.

An Libro ni Job 38:22

“Nakalaog ka na daw sa mga sarayan kan nyebe, o nahiling an mga sarayan kan uran nin yelo,

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Salmo 104:7

Sa pagsagwe mo an mga tubig duminurulag; nagharale pakadangog kan saimong daguldol.

Salmo 135:7

Siya an nagpapaitaas kan mga panganoron hale sa mga poro kan daga; an naggigibo nin kikilat para sa uran, asin an nagpapaluwas kan mga doros hale sa saiyang mga sarayan.

Salmo 147:18

Dangan minatao siya nin pagboot asin an yelo natutunaw; ipinapadara niya an doros, asin an tubig minabulos.

Salmo 18:13

An Kagurangnan nagdaguldol sa kalangitan; asin nadangog an tingog kan Kahorohalangkawe.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 68:33

sa saiya na naglulunad sa kalangitan, mga suanoy na kalangitan. Uya, ipinapadara niya an saiyang tingog, an makosog niyang tingog.

Salmo 78:26

Pinahuyop-huyop niya an doros sa sirangan, asin huli kan saiyang kapangyarihan pinakosog niya an doros sa habagat;

Exodo 10:13

Kaya itinaas ni Moises an saiyang sugkod, dangan pinahoyop nin Kagurangnan an doros hale sa sirangan sa bilog na aldaw asin banggi. Pagkaaga, nadara na kan doros an mga doron.

Exodo 10:19

Pinahoyop nin Kagurangnan an makosog na doros hale sa solnopan asin ipinalid kaini an mga doron pasiring sa Dagat na Pula. Mayong natada maski sarong doron sa bilog na daga nin Egipto.

Exodo 14:21

Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Ezekiel 10:5

An ribok kan pakpak kan mga kerubin nadangog sagkod sa patyong nasa luwas. An tanog garo arog kan tingog kan Makakamhan na Dios.

Amos 9:7

An Kagurangnan nagtataram, “Banwaan nin Israel, an pagromdom ko sa Etiopia siring kan pagromdom ko saimo. Kinua ko an mga Filisteo hale sa Creta asin an mga Siro hale sa Kir, siring na kinua ko kamo sa Egipto.

Jonas 1:4

Alagad nagpadara an Kagurangnan nin makosog na bagyo sa dagat, kaya haros maronot an barko.

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”