Jeremias 51:15 - Marahay na Bareta Biblia

¹⁵ An daga ginibo nin Kagurangnan huli sa saiyang kapangyarihan; huli sa saiyang kadonongan linalang niya an kinaban saka ibiniklad an kalangitan.

Jeremias 51:15 ပူးပေါင်းရင်းမြစ်များ

An Libro ni Job 9:8

Siya sanang saro an nagbiklad kan kalangitan asin an nagtimaktimak kan likod kan dragon sa dagat.

Salmo 104:2

natatahoban ka nin kaliwanagan. An kalangitan biniklad mo arog sa sarong tolda.

Salmo 104:24

Kagurangnan, kadakul an saimong mga gibo! Sa kadonongan, iyan gabos ginibo mo! An daga pano kan saimong mga linalang.

Salmo 107:25

Nagboot siya asin nagluwas an makosog na doros, na nagbukag kan mga alon sa dagat.

Salmo 136:5

An mga langit linalang niya sa saiyang kadonongan; an saiyang pagkamoot mayo nin kataposan.

Mga Talinhaga 3:19

Huli sa kadonongan, linalang nin Dios an daga; huli sa pakasabot, pinamugtak niya an langit.

Isaias 40:22

Ginibo iyan kan nagtutukaw sa saiyang trono sa itaas kan daga asin lampas pa sa langit; an mga tawo sa daga arog na sana kasadit sa mga doron. Inunat niya an langit siring sa sarong kurtina, siring sa sarong eerokan na tolda.

Isaias 40:26

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Isaias 44:24

“Ako an Kagurangnan, an saimong paraligtas; ako an naglalang saimo. Ako an Kagurangnan, an Kaglalang kan gabos na bagay. Ako sanang saro an nag-unat kan kalangitan; kan gibohon ko an kinaban mayo sakong nagtabang.

Isaias 45:12

Ako an naggibo kan kinaban asin naglalang kan katawohan nganing mag-erok diyan. Inunat ko an kalangitan huli sa sakong kapangyarihan; pinagbobotan ko an aldaw, an bulan, asin an kabitoonan.

Isaias 48:13

An sakong kamot an nagbugtak kan pundasyon kan kinaban asin an nagbiklad kan kalangitan. Kun inaapod ko an kinaban saka an kalangitan, minadatong sinda tolos asin minatindog sa sakong atubang.

Isaias 51:13

Nalingawan na nindo an Kagurangnan na naggibo saindo, na nag-unat kan kalangitan asin nagpamugtak kan pundasyon kan kinaban? Tadaw ta mamumuhay kamong danay na takot sa kaanggotan kan mga nag-aapi saindo, kan mga andam sa pagraot saindo? Dai na makakaduta saindo an saindang kaanggotan.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Mga Gibo 17:24

An Dios na naglalang kan kinaban asin kan gabos na yaon diyan, iyo an Kagurangnan kan langit saka kan daga. Dai siya nag-eerok sa mga templo na gibo nin tawo.

Roma 1:20

Dai nanggad sinda nin dahelan huli ta poon na lalangon niya an kinaban, maliwanag na nahiling ninda an saiyang nakatagong naturalesa na iyo an saiyang kapangyarihan na mayong kataposan asin an saiyang pagka-Dios. Nahiling ninda iyan sa paagi kan mga bagay na ginibo niya.

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”