Jeremias 51:11 - Marahay na Bareta Biblia

¹¹ Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:11 ပူးပေါင်းရင်းမြစ်များ

1 Mga Hade 11:14

Kaya an Kagurangnan nagbugtak nin sarong kaiwal ni Solomon na iyo an Edomitang si Hadad, na gikan sa pamilya nin mga hade sa Edom.

1 Mga Hade 11:23

An Dios nagbugtak pa nin sarong kaiwal ni Solomon, na iyo si Rezon na aking lalaki ni Eliada. Nagdulag si Rezon sa saiyang kagurangnan, si Hadadezer na hade nin Zoba,

1 Mga Cronica 5:26

Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

2 Mga Cronica 36:22

Kan enot na taon kan si Ciro nin Persia iyo an emperador, ginibo nin Kagurangnan na magkatotoo an itinaram niya sa paagi ni propeta Jeremias. Pinasabongan nin Kagurangnan si Ciro kaya nagpaluwas ini nin sarong pagboot para sa bilog niyang kahadean. Ini an nasusurat sa pagboot:

Esdras 1:1

Kan enot na taon kan si Ciro nin Persia magin emperador, nagkatotoo an itinaram nin Kagurangnan sa paagi ni propeta Jeremias. Pinasabongan nin Kagurangnan si Ciro na magpaluwas nin sarong pagboot; sinurat niya ini asin ipinabasa nin makosog sa bilog niyang imperyo:

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 21:5

Sa bisyon, nahiling ko an inandam na bangkete; an mga ibiniklad na alpombra na tutukawan kan mga bisita. Nagkakakan saka nag-iinom sinda. Dangan nadangog an pagboot: “Mga opisyal! Andama nindo an saindong mga kalasag!”

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Isaias 45:1

Pinili nin Kagurangnan si Ciro na magin hade. Pinili niya ini nganing sakopon an mga nasyon; sinusugo niya siya tanganing halean nin kapangyarihan an mga hade; bubukasan nin Kagurangnan an mga trangkahan nin mga syudad para saiya. Sinasabihan nin Kagurangnan si Ciro,

Isaias 45:5

“Ako an Kagurangnan; pwera sako mayo na nin ibang Dios. Tatawan taka kan kosog na kaipuhan mo, maski dai mo pa ako namimidbidan.

Isaias 46:11

Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.

Jeremias 46:3

“Nagkukurahaw an mga opisyal nin Egipto, ‘Andama nindo an saindong mga kalasag saka magduman kamo sa ralaban!

Jeremias 46:4

Busalan na nindo an mga kabayo saka lunadan na nindo, O mga parakabayo! Maglinya na kamo saka sulotan an saindong mga helmet! Taisa an saindong garod! Isulot na nindo an gubing na panggera!’

Jeremias 46:9

Magdalagan kamo, mga kabayo asin mga karwahe. Magsalakay kamo, mga soldados: mga lalaking taga Etiopia saka Libya na may darang mga kalasag, asin kamong mga taga Lydia na eksperto sa pagpana.’”

Jeremias 50:25

Binukasan ko an sarayan kan mga armas, asin ilinuwas ko an mga armas huli sa sakong kaanggotan; huli ta ako, an Kagurangnan Dios nin mga hukbo, igwa nin gigibohon sa Babilonia.

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 50:45

Kaya hinanyoga an plano ko laban sa syudad nin Babilon asin an boot kong gibohon sa namamanwaan kaiyan. Maski an mga saradit nindang aki kukuahon, asin magkakatirikbahan an lambang saro.

Jeremias 50:9

Huli ta susuratan ko an sarong grupo nin makokosog na nasyon sa amihan tanganing salakayon an Babilonia. Malinya sinda sa pakigera asin sasalakayon ninda an Babilonia. Mga eksperto sindang paraayam asin mayo nin nasasayang na bosog kun sinda minapana.

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Jeremias 51:24

Nagsasabi an Kagurangnan, “Papadusahan ko sa atubangan nindo an Babilonia saka an mga namamanwaan niya huli kan gabos na karatan na ginibo niya sa Sion.

Jeremias 51:35

Tugote nindong sabihan kan mga taga Sion, “Magbayad logod an Babilonia huli kan kadahasan na ginibo niya sato.’ Tugote nindong sabihan kan mga taga Jerusalem, “Magbayad logod an Babilonia huli kan tinios nyamo!”

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Daniel 5:30

Kan banggi man sanang idto ginadan si Belsazzar, an hade nin Babilonia;

Joel 3:10

Pulpoga an poro kan saindong mga arado tanganing magin mga espada asin an saindong mga pantakras na kutsilyo tanganing magin mga garod. Maski an mga maluya kaipuhan makilaban.

Joel 3:9

“Ipahayag nindo ini sa mga nasyon: ‘Pag-andam para sa gera; apoda an saindong mga paralaban; tipona an gabos nindong soldados dangan lakaw na!

Levitico 26:25

Dadarahan ko kamo nin gera huli sa pagtalikod nindo sa satong tipan, asin kun magdurulag kamo pasiring sa saindong mga syudad, papadarahan ko kamo nin mga helang na mayong karahayan, dangan mapipiritan kamong magsuko sa saindong mga kaiwal.

Zacarias 14:12

An Kagurangnan madara nin makangirhat na mga peste sa gabos na nasyon na nakikilaban sa Jerusalem. Maglalapa an saindang kublit maski buhay pa sinda; sagkod an saindang mga mata saka dila maglalapa.

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.