Jeremias 50:9 - Marahay na Bareta Biblia

⁹ Huli ta susuratan ko an sarong grupo nin makokosog na nasyon sa amihan tanganing salakayon an Babilonia. Malinya sinda sa pakigera asin sasalakayon ninda an Babilonia. Mga eksperto sindang paraayam asin mayo nin nasasayang na bosog kun sinda minapana.

Jeremias 50:9 ပူးပေါင်းရင်းမြစ်များ

2 Samuel 1:22

Nakakagadan an pana ni Jonatan, mayong herak an espada ni Saul, na minatumba kan makosog, na minagadan kan kaiwal.

Awit nin mga Awit 3:8

Gabos sinda igwa nin espada asin matitibay sa pakigera. An lambang saro sainda igwa nin espada sa habayan, nagbabantay laban sa bangging pagsalakay.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Jeremias 15:14

Papalingkodon ko sinda sa saindang mga kaiwal, sa dagang dai ninda naaaraman, huli ta an kaanggotan ko garo kalayo na naglalaad sagkod lamang.”

Jeremias 25:14

Babayadan ko an mga taga Babilonia sosog sa saindang mga ginibo, kaya gigibohon sindang mga oripon kan dakul na nasyon saka darakulang hade.’”

Jeremias 50:14

“Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:21

Nagsasabi an Kagurangnan, “Salakayon nindo an mga taga Merataim asin mga taga Pekod. Gadanon nindo saka puhoon nanggad sinda. Giboha nindo an gabos na ipinagboot ko saindo. Ako, an Kagurangnan, an nagtaram.

Jeremias 50:26

Salakayon nindo siya hale sa gabos na direksyon. Bukasan nindo an saiyang mga harong-harong; tambaka nindo an mga sinamsam arog sa mga tinambak na trigo! Raoton nindo an nasyon. Raoton nindo an gabos.

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!