Jeremias 50:7 - Marahay na Bareta Biblia

⁷ Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Jeremias 50:7 ပူးပေါင်းရင်းမြစ်များ

Salmo 71:5

Ika, Kagurangnan, an sakuyang paglaom; sakong pagsarig poon kan ako aki pa.

Salmo 79:7

Huli ta ginadan ninda si Jacob, asin rinaot ninda an saiyang erokan.

Salmo 90:1

Kagurangnan, ika an samuyang erokan sa gabos na henerasyon.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 56:9

Sinabihan nin Kagurangnan an dayuhan na mga nasyon na magdolok siring sa mga lalaw na hayop tanganing kakanon an saiyang banwaan.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 14:8

Ika sana an paglaom nin Israel; ika an nagliligtas samo sa panahon nin kasakitan. Tadaw ta arog ka sa sarong dayuhan sa samong daga, arog sa sarong parabaklay na nakikitorog sana sa laog nin sarong banggi?

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 2:3

Israel, ika para sa sakuya sana; ika an sakong banal na rogaring. Pinadarahan ko nin kasakitan asin kapahamakan an siisay man na nagkulog saimo. Ako, an Kagurangnan, an nagtaram.”

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Jeremias 33:15

Sa panahon na iyan, pipilion ko bilang hade an sarong matanos na kapagarakian ni David. Gigibohon kan hade an tama saka matanos sa bilog na daga.

Jeremias 33:16

Sa mga aldaw man na iyan, ililigtas an Juda saka mamumuhay na matiwasay an Jerusalem. An syudad aapodon ‘An Kagurangnan Samong Kaligtasan.’

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Jeremias 50:14

“Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:33

Nagsasabi an Kagurangnan nin mga hukbo, “Inapi an mga taga Israel saka an mga taga Juda. Binabantayan sinda kan mga nagbihag sainda asin habo sindang butasan.

Ezekiel 34:5

Huli ta an mga karnero mayo nin pastor, nagkawararak sinda asin ginadan dangan kinakan kan mga lalaw na hayop.

Ezekiel 35:12

Dangan maaaraman mo na ako, an Kagurangnan, an nakadangog saimo kan may pagtuyatuya na nagsabi kang mamondo an mga bukid nin Israel asin hahalonon mo an mga iyan.

Daniel 9:16

Sinurog mo kami kaidto, kaya dai mo na ipagpadagos an saimong kaanggotan sa Jerusalem. Iyan an saimong syudad, an saimong banal na bulod. Pinagtutuyatuya an Jerusalem saka an saimong banwaan kan gabos na nasyon sa palibot nyamo huli kan samong mga kasalan asin kan mga ginibong karatan kan samong mga ginikanan.

Daniel 9:6

Dai mi dinangog an saimong mga sorogoon, an mga propeta, na nagtaram sa ngaran mo sa samong mga hade, mga pamayo, mga ginikanan, asin sa samong nasyon.

Zacarias 1:15

Anggot ako nin marahay sa mga nasyon na nakakamate ngunyan nin katoninongan. Huli ta mantang pinupugolan ko an sakong kaanggotan laban sa sakong banwaan, orog pang dinagdagan kan mga nasyon an kasakitan kan sakong banwaan.

Zacarias 11:5

Ginagadan sinda kan saindang mga kagsadiri asin an mga ini dai napapadusahan. Ipinapabakal ninda an karne dangan minasabi sinda, ‘Pag-omawon an Kagurangnan! Mayaman na kami!’ Maski an nagpapastor sainda dai naheherak sa sainda.” (

1 Timoteo 1:1

Surat na hale ki Pablo na apostol ni Cristo Jesus huli sa kabotan nin Dios na satong Paraligtas asin ni Cristo Jesus na satong paglaom.