Jeremias 50:46 - Marahay na Bareta Biblia

⁴⁶ Sa ribok kan pagbagsak kan Babilon, makonogkonog an bilog na daga, asin an saiyang kinurahaw huli sa takot madadangog kan ibang mga nasyon.”

Jeremias 50:46 ပူးပေါင်းရင်းမြစ်များ

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Jeremias 46:12

Nabaretaan kan mga nasyon an kasosopgan mo; nadangog nin lambang saro an saimong kinurahaw. Nabangga kan sarong soldados an kapwa niya soldados, asin sabay sindang natumba.

Jeremias 49:19

Arog sa sarong leon na minaluwas sa kadlagan kan Jordan asin minapasiring sa berdeng dagang pasabsaban, maabot ako dangan bigla kong papadulagon an mga taga Edom hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Jeremias 49:21

Sa ribok kan pagbagsak kan Edom, makonogkonog an bilog na daga, asin an kinurahaw huli sa takot madadangog sagkod sa Dagat na Pula.

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Jeremias 51:54

Nagsasabi an Kagurangnan, “Hinanyoga nindo an tingog nin pagtangis sa Babilon, an tingog nin pagmondo huli sa pagkaraot kan daga.

Ezekiel 26:18

Ngunyan, sa aldaw nin pagkarumpag kaiyan, nagtarakig an mga isla. An saindang banwaan namomongnan kan siring na pagkatunaw.”

Ezekiel 27:28

Nag-aniningal sa mga baybayon an kurahaw kan mga tripulante mo.

Ezekiel 31:16

Kun ihulog ko na iyan sa kinaban kan mga gadan, an tanog kan pagbagsak kaiyan makakatanyog sa mga nasyon. An gabos na kahoy sa Eden saka an gabos na piling kahoy nin Lebanon na marahay an patubig na nagduman na sa kinaban kan mga gadan maoogma sa pagbagsak kaiyan.

Ezekiel 32:10

Makukubhanan an dakul na nasyon sa gigibohon ko saimo. An saindang mga hade magtatakig sa takot kun iwasiwas ko na an sakong espada. Sa aldaw nin saimong pagbagsak, gabos sinda magtatakig sa takot para sa sadiri nindang buhay.”