Jeremias 50:4 - Marahay na Bareta Biblia

⁴ Nagsasabi an Kagurangnan, “Pag-abot kan panahon na iyan, naghihibing maabot an mga taga Israel saka mga taga Juda, sa paghanap sako, na saindang Dios.

Jeremias 50:4 ပူးပေါင်းရင်းမြစ်များ

2 Mga Cronica 7:14

dangan magpakumbaba an sakong banwaan, mag-atubang sako, mamibi asin talikodan an saindang mga maraot na gibo, hale sa langit, dadangogon ko sinda, papatawadon an saindang kasalan asin papauswagon an saindang daga.

Salmo 105:4

Hanapa nindo an Kagurangnan asin an saiyang tabang; danay na sambahon nindo siya.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Isaias 63:4

Napaghorophorop ko na duminatong na an panahon tanganing iligtas an sakong banwaan; panahon tanganing padusahan an saindang mga kaiwal.

Jeremias 31:31

Nagtataram an Kagurangnan, “Maabot an panahon na magibo ako nin bagong tipan sa mga taga Israel saka sa mga taga Juda.

Jeremias 33:15

Sa panahon na iyan, pipilion ko bilang hade an sarong matanos na kapagarakian ni David. Gigibohon kan hade an tama saka matanos sa bilog na daga.

Jeremias 41:6

Kaya nagluwas hale sa Mizpa si Ismael; naghihibi siya mantang naglalakaw. Pagrani niya sainda, nagsabi siya, “Magdagos kamo tanganing mahiling nindo si Gedalias.”

Ezekiel 16:61

Magigiromdoman mo an mga ginibo mo dangan ikakasopog mo iyan kun makua mo na giraray an matua asin an ngohod mong mga tugang na babae. Gigibohon ko sindang garo mga aki mong babae, maski bako man ini kaayon sa tipan ko saimo.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Oseas 1:11

Magkakasararo giraray an mga taga Juda saka an mga taga Israel. Mapili sinda nin saro sanang lider, asin siring sa dati, madakul sinda saka mauswag sa saindang daga. Iyo, magigin dakula an aldaw nin Jezreel!

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Santiago 4:9

Magmondo kamo, maghibi saka maghaya; maghibi kamo embes na magngisi, magmondo embes na mag-ogma.