Jeremias 50:34 - Marahay na Bareta Biblia

³⁴ Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 50:34 ပူးပေါင်းရင်းမြစ်များ

2 Mga Cronica 6:39

hale sa langit na saimong erokan, hinanyoga an saindang mga pamibi dangan maherak ka sainda. Patawada sinda kan gabos nindang kasalan.

An Libro ni Job 19:25

“Huli ta aram kong an sakong Paratubos nabubuhay, na sa kahuri-hurihi madatong tanganing sorogon ako.

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Mga Talinhaga 23:11

An Kagurangnan iyo an saindang makosog na parasurog, asin siya an malaban kan saindang kaso laban saimo.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 43:14

An banal na Dios nin Israel, an Kagurangnan na nagliligtas saindo, nagsasabi, “Sa pagligtas saindo, mapadara ako nin hukbo laban sa Babilon; gagabaon ko an trangkahan kan syudad, asin an mga kinurahaw kan saiyang namamanwaan magigin pagtangis.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Isaias 47:4

An banal na Dios nin Israel iyo an nagpapatalingkas samo— Kagurangnan nin mga hukbo an saiyang ngaran.

Isaias 49:25

Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 51:22

sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 15:21

Ililigtas taka sa kamot kan maraot saka madahas na mga tawo. Ako, an Kagurangnan, an nagtaram.”

Jeremias 30:20

Ibabalik ko an dating kosog kan nasyon, saka gigibohon ko ining pusog giraray; papadusahan ko an gabos na nag-aapi sainda.

Jeremias 31:11

Tinubos ko an banwaan nin Israel asin ilinigtas sa kamot kan sarong mapangyaring nasyon.

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Jeremias 48:15

Nag-abot na an maraot kan Moab asin kan saiyang mga syudad; an pinakamarahay sa saiyang mga hoben gagaradanon. Ako an hade, an Kagurangnan nin mga hukbo, asin ako an nagtaram.

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Mga Panambitan 3:58

“Tinabangan mo ako, Kagurangnan asin ilinigtas mo an sakong buhay.

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Mikas 4:10

Mamiripit ka sa kulog asin mag-agoro, banwaan nin Jerusalem, arog sa sarong babaeng nangangaki, huli ta kaipuhan bayaan mo an syudad asin mag-erok ka sa kaomahan. Kaipuhan magduman ka sa Babilon, saen ililigtas ka nin Kagurangnan sa saimong mga kaiwal.

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”