Jeremias 50:27 - Marahay na Bareta Biblia

²⁷ Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Jeremias 50:27 ပူးပေါင်းရင်းမြစ်များ

An Libro ni Job 18:20

Pinagtatarakigan an gabos na nakakadangog kan nangyari saiya, magpoon sa sirangan sagkod sa solnopan.

Salmo 22:12

Garo mga toro, an mga kaiwal nakapalibot sako; garo makokosog na toro nin Basan nakapalibot sinda sako.

Salmo 37:13

Alagad nginingisihan nin Kagurangnan an mga maraot na tawo, huli ta aram niyang madali na sindang magadan.

Isaias 21:12

Nagsimbag ako, “Madali na an aga, alagad maabot giraray an banggi. Kun boot mong maghapot giraray, magbalik ka asin maghapot.”

Isaias 34:6

An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Isaias 34:7

Magagadan an mga tawo kaiba kan mga lalaw na baka saka mga torilyo, asin an daga mapapano nin dugo saka taba.

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 48:10

Maldisyonon an tawong pabaya sa pagsunod sa trabaho nin Kagurangnan! Maldisyonon an tawong dai naninigbas saka dai nanggagadan!)

Jeremias 48:15

Nag-abot na an maraot kan Moab asin kan saiyang mga syudad; an pinakamarahay sa saiyang mga hoben gagaradanon. Ako an hade, an Kagurangnan nin mga hukbo, asin ako an nagtaram.

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Jeremias 50:11

Nagsasabi an Kagurangnan, “Mga taga Babilonia, kamo an nanamsam sa sakong nasyon. Maogma kamo saka magayagaya, garo mga bakang nakaluwas sa toril, asin naghahalinghing na garo mga lalaking kabayo,

Jeremias 50:31

“Babilonia, pano ka nin kapaabaw-abawan, kaya ako, an Kagurangnan Dios nin mga hukbo, kalaban mo. Nag-abot na an saimong aldaw, an panahon tanganing padusahan taka.

Jeremias 51:40

Dadarahon ko sinda pasiring sa bunoan arog sa mga kordero, sa kanding, asin sa mga lalaking karnero. Ako, an Kagurangnan, an nagtaram.”

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Kapahayagan 18:10

Matindog sinda sa harayo, huli ta takot sindang madamay sa saiyang kasakitan, dangan masabi sinda, “Makangingirhat! Ining dakula saka mapangyaring syudad nin Babilonia! Sa laog nin saro sanang oras nagdatong an padusa mo!”

Kapahayagan 19:17

Dangan nahiling ko an sarong anghel na nagtitindog sa aldaw. Nagkurahaw siya sa gabos na gamgam na naglalayog sa kaitaasan, “Madya, magtiripon kamo para sa dakulang bangkete nin Dios!