Jeremias 50:2 - Marahay na Bareta Biblia

² “Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Jeremias 50:2 ပူးပေါင်းရင်းမြစ်များ

Salmo 64:9

Magkakatarakot an gabos na tawo; maghohorophorop kan mga ginibo nin Dios, asin ipapamareta iyan gabos.

Salmo 96:3

Ipahayag sa mga nasyon an saiyang kamurawayan, an mga ngangalasan niya sa tahaw kan gabos na banwaan.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Isaias 12:4

Dangan maawit sinda sa aldaw na iyan: “Magpasalamat kamo sa Kagurangnan! Mag-apod kamo sa saiyang ngaran; ibalangibog nindo sa mga nasyon an saiyang mga gibo, ipahayag nindo an saiyang kadakulaan!

Isaias 13:2

Iitaas mo an tanda sa ibabaw kan sarong bulod na mayo nin anoman na nagtatalubo! Kurahawan mo an mga soldados dangan iitaas mo an saimong kamot bilang tanda sa sainda tanganing salakayon an mapaabaw-abaw na syudad.

Isaias 21:9

Dangan duminatong tolos an mga nakakabayo; manduwa-duwa sinda. Ipinahayag kan bantay an saiyang nahiling, “Nagbagsak na an Babilon! Parasa na an gabos na ladawan na saindang sinamba.”

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 39:1

Kan panahon na iyan, nabaretaan ni Merodacbaladan, na hade nin Babilonia asin aki ni Baladan, na naghelang si Hadeng Ezekias, kaya pinadarahan niya ini nin surat saka regalo.

Isaias 46:1

“Iyo ini an kataposan kan mga dios-dios nin Babilon! Sinamba kaidto si Bel saka si Nebo, alagad ngunyan isinasakay na sinda sa mga asno, sarong kagabatan sa likod kan pagal na mga hayop.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 48:6

“An gabos kong sinabi nangyari na ngunyan; kaipuhan akoon nindong totoo an sakong mga hula. Ngunyan sasabihan ko kamo dapit sa mga bagay na maabot pa, mga bagay na dai ko pa ipinahayag kaidto.

Jeremias 10:11

Sabihan nindo sinda na raraoton an mga dios-dios na bakong kaggibo kan daga saka langit. Mapapara sinda sa daga.)

Jeremias 10:15

An mga dios-dios na iyan mayo nin halaga asin dapat na pag-olog-ologon; mapapara sinda pag-abot kan saindang kapadusahan.

Jeremias 31:10

Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Jeremias 4:16

Nagdatong sinda tanganing patanidan an mga nasyon saka sabihan an Jerusalem na nagdadangadang an mga kaiwal hale sa sarong harayong lugar. An mga kaiwal na ini makurahaw laban sa mga syudad nin Juda,

Jeremias 4:6

Tukdoan an dalan pasiring sa Sion! Magdurulag kamo! Dai na kamo mag-abala! Hale sa amihan may dara an Kagurangnan na karatan saka dakulang pagraot.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 50:46

Sa ribok kan pagbagsak kan Babilon, makonogkonog an bilog na daga, asin an saiyang kinurahaw huli sa takot madadangog kan ibang mga nasyon.”

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 51:31

Sunod-sunod na mga sugo an nagdadalagan pasiring sa hade nin Babilonia tanganing sabihan siya na nalaog na an saiyang syudad.

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:47

Kaya maabot an panahon na papadusahan ko an mga dios-dios nin Babilonia. Mapapasopog an bilog na nasyon saka magagadan an gabos na namamanwaan niya.

Jeremias 51:52

Kaya ako nagsasabi na maabot na an panahon na papadusahan ko an mga dios-dios kan Babilon asin mag-aagrangay an mga nalugadan sa bilog na daga.

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Jeremias 52:31

Kan taon nin pagtukaw ni Evil-merodak bilang hade nin Babilonia, may pagkaherak na tinalingkasan niya si Hadeng Jehoiakin nin Juda, sa paagi nin pagpaluwas saiya sa bilanggoan. Nangyari ini kan ikabeynte y singkong aldaw kan ikadoseng bulan kan ikatreynta y syeteng taon nin pagkabihag ki Jehoiakin.

Jeremias 6:18

Kaya nagtaram an Kagurangnan, “Paghinanyog, kamong mga nasyon, asin aramon nindo an mangyayari sa sakong banwaan.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.

Daniel 3:14

Sinabihan niya sinda, “Sadrak, Mesak, asin Abednego, totoo daw an sumbong na habo kamong magsamba sa sakong dios asin dai kamo minaduko kan saindong payo sa atubang kan estatwang bulawan na pinatindog ko?

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Kapahayagan 18:2

Nagkurahaw siya nin makosog, “Narumpag na, narumpag na an dakulang Babilonia! Ngunyan erokan na siya kan mga demonyo, lugar na tagoan kan mga maating espiritu asin kan gabos na klaseng maati saka nakakaongis na mga gamgam.