Jeremias 50:15 - Marahay na Bareta Biblia

¹⁵ Kumurahaw kamo nin panggagana laban saiya sa palibot kan syudad! Nagsuko na an Babilon; bagsak na an saiyang bantayan asin rumpag na an saiyang mga kudal. Huli ta iyo ini an pagbalos ko. Balosa nindo siya; giboha nindo saiya an ginibo niya sa iba.

Jeremias 50:15 ပူးပေါင်းရင်းမြစ်များ

1 Mga Cronica 29:24

An gabos na lider asin mga soldados patin an iba pang mga aking lalaki ni David nanuga na magigin maimbod ki Hadeng Solomon.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

Salmo 149:7

tanganing daogon an mga nasyon asin padusahan an mga banwaan;

Salmo 94:1

Kagurangnan, ika sarong Dios na nagpapadusa; pahilingan an saimong kaanggotan!

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Isaias 63:4

Napaghorophorop ko na duminatong na an panahon tanganing iligtas an sakong banwaan; panahon tanganing padusahan an saindang mga kaiwal.

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Jeremias 50:14

“Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:25

Binukasan ko an sarayan kan mga armas, asin ilinuwas ko an mga armas huli sa sakong kaanggotan; huli ta ako, an Kagurangnan Dios nin mga hukbo, igwa nin gigibohon sa Babilonia.

Jeremias 50:44

“Arog sa sarong leon na minaluwas sa kadlagan nin Jordan asin minapasiring sa berdeng dagang pasabsaban, maabot ako, saka bigla kong isusubol an mga taga Babilonia hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:14

An Kagurangnan nin mga hukbo nagsumpa sa saimong sadiri na mapadara nin mga lalaki na arog kadakul sa mga doron, tanganing salakayon an Babilonia, asin makurahaw sinda nin kapangganahan.

Jeremias 51:24

Nagsasabi an Kagurangnan, “Papadusahan ko sa atubangan nindo an Babilonia saka an mga namamanwaan niya huli kan gabos na karatan na ginibo niya sa Sion.

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Jeremias 51:30

Nag-ontok na sa pakilaban an mga soldados nin Babilonia, asin dai na naghale sa saindang mga bantayan. Nawara na an kosog kan saindang boot asin nagin arog sinda sa mga babae. Garaba na an mga trangkahan kan syudad asin nagkakalayo na an mga harong.

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:58

An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Jeremias 51:64

asin magsabi ka, ‘Iyo ini an mangyayari sa Babilonia—mairarom siya asin dai na maibabaw giraray huli kan kapahamakan na ipapadara saiya nin Kagurangnan.’” Digdi natatapos an mga tataramon ni Jeremias.

Mga Panambitan 5:6

Tanganing mabuhay, nakilimos kami nin pagkakan sa Egipto asin sa Asiria.

Ezekiel 17:18

Linapas niya an saiyang panuga asin an tipan na ginibo niya. Ginibo niya an mga ini, asin ngunyan dai siya makakadulag.”

Ezekiel 21:22

Sa too niyang kamot yaon an bosog na may ngaran ‘Jerusalem’! Sinasabihan siya kaini na magbugtak nin mga trosong panrumpag nin trangkahan, magtambak nin daga asin magkalot nin mga trinsera.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Roma 3:5

Alagad ano an sasabihon ta kun an sala tang gibo iyo mismo an nagpapahayag na tama an Dios? Masabi daw kita na bakong tama an Dios sa pagpadusa sato? (Siring an kaisipan nin tawo.)

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Deuteronomio 32:41

na tataison ko an sakong nagkikinang na espada tanganing gamiton para sa katanosan. Babaloson ko an sakong mga kaiwal, asin papadusahan idtong mga naoongis sako.

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Josue 6:20

Kaya pinatanog kan mga padi an mga trompeta. Pagkadangog kaini kan mga lalaki, nagkurahaw sinda nin makosog asin narumpag an mga kudal. Dangan tinukad kan bilog na hukbo an bulod pasiring sa syudad asin sinakop an syudad.

Josue 6:5

Dangan mapatanog sinda nin sarong halawig na tanog. Pagkadangog nindo kaiyan, makurahaw kamo gabos, asin marurumpag an gabos na kudal kan syudad. Dangan malaog sa syudad an bilog na hukbo.”

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.