Jeremias 50:14 - Marahay na Bareta Biblia

¹⁴ “Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:14 ပူးပေါင်းရင်းမြစ်များ

2 Samuel 10:9

Nahiling ni Joab na sasalakayon siya kan mga kaiwal sa atubangan asin sa likodan, kaya pinili niya an pinakamarahay na mga soldados nin Israel dangan iyo an pinaatubang niya sa mga taga Siria.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Isaias 13:4

Dangoga an ribok sa kabukidan—an ribok nin kadakul na tawo, nin mga nasyon asin mga kahadean na nagtitiripon. Inaandam kan Kagurangnan nin mga hukbo an saiyang hukbo sa pakilaban.

Isaias 5:28

Matarom an saindang mga bosog, asin andam na an saindang mga pana. Garo matagas na gapo an mga kuku kan saindang mga kabayo, asin an mga rweda kan saindang mga karwahe magigin garo aripuros.

Jeremias 46:9

Magdalagan kamo, mga kabayo asin mga karwahe. Magsalakay kamo, mga soldados: mga lalaking taga Etiopia saka Libya na may darang mga kalasag, asin kamong mga taga Lydia na eksperto sa pagpana.’”

Jeremias 49:14

Nagsabi ako, “Edom, nag-abot sako an sarong mensahe hale sa Kagurangnan. Pinaduman niya sa mga nasyon an sarong sugo tanganing magsabi sainda na tiponon an saindang mga soldados saka mag-andam sa pagsalakay saimo.

Jeremias 49:35

Nagsabi an Kagurangnan nin mga hukbo, “Babarion ko an pana nin Elam, an armas na tanda kan saindang kosog.

Jeremias 50:11

Nagsasabi an Kagurangnan, “Mga taga Babilonia, kamo an nanamsam sa sakong nasyon. Maogma kamo saka magayagaya, garo mga bakang nakaluwas sa toril, asin naghahalinghing na garo mga lalaking kabayo,

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Jeremias 50:42

May dara sindang mga pana saka mga espada; mga makuri sinda asin mayo nin pagkaherak. Garo sinda dagat na naghahagubohob mantang nagpapadalagan kan saindang mga kabayo. Andam sinda sa pakigera laban sa Babilonia.

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Jeremias 50:9

Huli ta susuratan ko an sarong grupo nin makokosog na nasyon sa amihan tanganing salakayon an Babilonia. Malinya sinda sa pakigera asin sasalakayon ninda an Babilonia. Mga eksperto sindang paraayam asin mayo nin nasasayang na bosog kun sinda minapana.

Jeremias 51:2

Mapadara ako sa Babilonia nin mga dayuhan na garo doros na nagpapalid kan mga ata. Raraoton ninda an Babilonia saka babayaan an daga na mayo nin laog pagsalakay ninda hale sa gabos na direksyon, sa aldaw nin pagraot saiya.

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 51:3

An saiyang mga soldados dai nindo pabayaan na makapana o makasulot kan saindang gubing na panggera. Dai nindo pagpaligtason an mga hoben na lalaki; ronoton nanggad nindo an bilog na hukbo!

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Habakkuk 2:8

Sinamsaman nindo an mga taga ibang nasyon, alagad sasamsaman kamo kan mga matatadang buhay huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Kapahayagan 17:5

Sa angog niya nakasurat an sarong ngaran na an hilom na kahulogan: “Dakulang Babilonia, ina kan mga maraot na babae saka mga karompotan sa kinaban.”

1 Samuel 17:20

Sunod na aldaw, amay na nagbangon si David, pinabantayan sa iba an mga karnero, dinara an pagkakan asin naglakaw siring kan ipinagboot saiya ni Jesse. Nag-abot sa kampo si David mantang nagpapasiring sa saindang pwesto an mga Israelita asin nagkukurahaw nin pakigera.