Jeremias 50:12 - Marahay na Bareta Biblia

¹² alagad mapapasopog asin mawawaraan nin onra an dakula nindong syudad. An Babilonia magigin pinakahuri sa mga nasyon, sarong alang saka mayong pakinabang na desyerto.

Jeremias 50:12 ပူးပေါင်းရင်းမြစ်များ

Isaias 14:22

“Sasalakayon ko an Babilon,” an sabi nin Kagurangnan nin mga hukbo, “asin rurumpagon ko iyan. Dai ako matada nin anoman—maski kaakian, mayo nanggad nin matatada. Ako, an Kagurangnan, an nagtaram.

Isaias 23:13

An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Jeremias 12:14

Nagtataram an Kagurangnan, “Igwa ako nin sasabihon manongod sa mga kataed nin Israel na nagraot kan daga na sakong itinao sa banwaan kong Israel. Hahaleon ko an mga maraot na tawong iyan sa sadiri nindang daga na garo ginabot na tinanom, asin ililigtas ko sa sainda an Juda.

Jeremias 15:9

Nanluya an ina na nawaraan nin pitong aki asin nadismayo siya. Nagin madiklom para saiya an liwanag; sinopog siya asin hinalean nin onra. Tutugotan ko an saindong mga kaiwal na gadanon an natatadang buhay pa saindo. Ako, an Kagurangnan, an nagtaram.”

Jeremias 22:6

“Para sako, an palasyo nin Juda arog kagayon kan daga nin Gilead asin kan Bukid nin Lebanon; alagad gigibohon ko iyan na sarong mamondong lugar na mayo nin nag-eerok.

Jeremias 25:12

Pakatapos kaiyan papadusahan ko an Babilonia asin an saiyang hade huli kan saindang kasalan. Rurumpagon ko an nasyon na iyan saka papabayaan na raot sagkod lamang.

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Jeremias 51:43

An mga banwa nagin sarong tanawon na nakakatakot. Garo sinda mga desyertong mayo nin tubig, na mayo nin siisay man na nag-eerok ni nag-aagi.

Jeremias 51:47

Kaya maabot an panahon na papadusahan ko an mga dios-dios nin Babilonia. Mapapasopog an bilog na nasyon saka magagadan an gabos na namamanwaan niya.

Galacia 4:26

Alagad an langitnon na Jerusalem talingkas asin iyan an satong ina.

Kapahayagan 17:5

Sa angog niya nakasurat an sarong ngaran na an hilom na kahulogan: “Dakulang Babilonia, ina kan mga maraot na babae saka mga karompotan sa kinaban.”