Jeremias 50:11 - Marahay na Bareta Biblia

¹¹ Nagsasabi an Kagurangnan, “Mga taga Babilonia, kamo an nanamsam sa sakong nasyon. Maogma kamo saka magayagaya, garo mga bakang nakaluwas sa toril, asin naghahalinghing na garo mga lalaking kabayo,

Jeremias 50:11 ပူးပေါင်းရင်းမြစ်များ

Salmo 22:12

Garo mga toro, an mga kaiwal nakapalibot sako; garo makokosog na toro nin Basan nakapalibot sinda sako.

Mga Talinhaga 17:5

An nagtutuyatuya sa dukha nag-iinsulto sa Dios na naglalang saiya. Papadusahan an nag-oogma sa maraot na palad nin iba.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 47:8

“Dangoga ini, ika na mamomoton sa kaogmahan, na naghohonang ligtas ka saka matoninong. Sinasabi mong arog ka kadakula sa Dios— na mayong makakaarog sa saimo. Naghona kang dai ka nanggad mababalo o magagadanan nin mga aki.

Jeremias 12:14

Nagtataram an Kagurangnan, “Igwa ako nin sasabihon manongod sa mga kataed nin Israel na nagraot kan daga na sakong itinao sa banwaan kong Israel. Hahaleon ko an mga maraot na tawong iyan sa sadiri nindang daga na garo ginabot na tinanom, asin ililigtas ko sa sainda an Juda.

Jeremias 46:20

An Egipto garo sarong magayon na baka, na sinalakay nin sarong mangangagat na langaw, na hale sa amihan.

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Jeremias 5:8

Garo sinda mga barasog saka makokosog na kabayo, na lambang saro nagmamawot kan agom kan saiyang kataed.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Ezekiel 35:15

siring na nag-ogma ka kan marumpag an Israel, an nasyon na sadiri ko. An bukid nin Edom, an bilog na daga nin Edom, magigin mamondo. Dangan maaaraman kan gabos na ako an Kagurangnan.”

Ezekiel 36:5

“Ako, an Kagurangnan Dios, nagtataram sa maimon kong kaanggotan laban sa mga nasyon sa palibot, asin sa bilog na Edom. Pano nin kaogmahan saka pagtuyatuya na sinakop ninda an sakong daga dangan sinamsaman.

Oseas 10:11

“Kaidto an Israel nakakaagid sa sarong ogbon na babaeng baka na pinatood sa pagginik. Alagad sasakalan ko an magayon niyang liog para sa mas magabat na trabaho. Dapat na mag-arado an Juda saka magsurod an Israel.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Obadias 1:12

Dai ka kutana nag-ogma sa kasakitan kan mga tugang mong lalaki sa Juda. Dai ka kutana nag-ogma sa aldaw kan saindang pagkarumpag. Dai ka kutana nagngisi sa aldaw nin saindang kasakitan.

Habakkuk 1:15

Dinadakop kan mga taga Babilonia an mga tawo sa paagi nin mga banwit, na garo mga sira, asin ginuguyod ninda an mga tawo na nasa laog nin mga hikot. Pakatapos, nagkukurahaw sinda sa kaogmahan huli kan saindang mga nadakop!

Zacarias 14:12

An Kagurangnan madara nin makangirhat na mga peste sa gabos na nasyon na nakikilaban sa Jerusalem. Maglalapa an saindang kublit maski buhay pa sinda; sagkod an saindang mga mata saka dila maglalapa.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.