Jeremias 5:24 - Marahay na Bareta Biblia

²⁴ Dai nanggad nindo inisip na omawon ako maski ngani ako an minapadara saindo nin uran sa tamang panahon saka minapaabot kan panahon nin pag-ani sa lambang taon.

Jeremias 5:24 ပူးပေါင်းရင်းမြစ်များ

Genesis 8:22

Sagkod na yaon pa an kinaban, magkakaigwa nin panahon nin pagtanom asin pag-ani, nin lipot asin init, nin tig-init asin tig-uran, nin aldaw asin banggi.”

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

An Libro ni Job 29:23

inako iyan kan lambang saro siring kan pag-ako kan mga paraoma sa uran pakatapos kan tig-initan.

An Libro ni Job 38:37

Siisay an madonong na makakabilang sa mga panganoron asin makakabaliktad kaini tanganing umula an uran,

An Libro ni Job 5:10

Ipinapadara niya an uran sa kinaban asin binabaribi an kaomahan;

Salmo 147:8

An langit tinatahoban niya nin mga panganoron, inaandam niya an uran para sa daga, pinapatalubo niya an mga doot sa kabubuldan.

Salmo 65:9

An daga saimong inaataman huli sa pagpadara nin uran; ginigibo mong mayaman asin matubang. An mga salog pinapano mo nin tubig; an daga tinatawan mo nin tinanom. Siring kaini an ginigibo mo:

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Jeremias 10:13

Sa pagboot niya minahagubohob an mga tubig sa kaitaasan; tinitipon niya an mga panganoron hale sa mga poro kan daga. Pinapasilyab niya an kikilat sa tahaw kan uran asin pinapaluwas niya an doros hale sa saiyang mga sarayan.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Jeremias 50:5

Mahapot sinda kan dalan pasiring sa Sion saka maduman sinda tanganing makisumaro sako sa sarong tipan na mayo nin kasagkoran saka dai nanggad malilingawan.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Amos 4:7

Dai ko ipinadara an uran kan kaipuhan nanggad nindo iyan. Nagpadara ako nin uran sa sarong syudad, alagad dai sa ibang syudad. Naghugpa an uran sa sarong oma, alagad mamara sa ibang oma.

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Mateo 5:45

tanganing magin mga aki kamo kan saindong Ama na nasa langit. Huli ta parehong pinapasaldangan nin aldaw saka pinapauranan nin Dios an tawong marahay asin an maraot, an tawong banal saka an parakasala.

Mga Gibo 14:17

Alagad danay siyang nagpapahiling nin mga patotoo tanganing mamidbidan nindo siya sa paagi kan mga karahayan na ginigibo niya: pinapadarhan niya kamo nin uran, tinatawan nin marahay na ani sa tamang panahon saka tinatawan pa niya kamo nin kakanon asin pinapano nin kaogmahan an saindong puso.”

Deuteronomio 28:12

Hale sa saiyang mayaman na sarayan sa langit, ipapadara niya an uran sa tamang panahon asin bebendisyonan niya an gabos nindong gibo. Kaya magpapautang kamo sa dakul na nasyon alagad dai kamo mangungutang.

Santiago 5:7

Kaya, mga tugang, maging matinios kamo sagkod na mag-abot an Kagurangnan. Hilinga nindo an paratanom na matinios na naghahalat kan mahalagang bunga kan daga; matinios na naghahalat kan enot asin huring uran!

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.