Jeremias 5:22 - Marahay na Bareta Biblia

²² Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Jeremias 5:22 ပူးပေါင်းရင်းမြစ်များ

Genesis 1:9

Dangan nagboot an Dios, “Magkatiripon sa saro sanang lugar an katubigan sa irarom kan kalangitan tanganing mahiling an mamarang kadagaan,” asin ini nangyari.

1 Mga Hade 13:28

naghale an gurang na propeta. Nakua niya an bangkay sa tahaw kan dalan. Nakatindog sa kataed kan bangkay an asno saka an leon. Dai kinakan kan leon an bangkay asin dai man sinalakay an asno.

An Libro ni Job 26:10

Linaen niya an liwanag sa kadikloman huli sa sarong bilog na saiyang ginibo sa ibabaw kan katubigan.

An Libro ni Job 37:24

Kaya natatakot saiya an mga tawo; dai niya pinapahalagahan an siisay man na nagsasagin-sagin na madonong.”

An Libro ni Job 38:8

“Siisay an nagsera kan mga trangkahan tanganing pugolon an dagat kan puminutok iyan sa tulak kan daga?

Salmo 104:9

Nagbugtak ka nin kasagkoran na dai nanggad ninda pwedeng lampasan, nganing an daga dai na ninda giraray malantopan.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 33:7

An gabos na dagat tinipon niya sa sarong lugar; an mga kaladman linaom niya sa mga sarayan.

Salmo 46:3

maski maghagubohob asin magsubo an katubigan, asin matanyog an mga bukid huli kan karibokan.

Salmo 99:1

An Kagurangnan naghahade; magtakig an mga banwaan. Nagtutukaw siya sa saiyang trono, sa ibabaw kan mga kerubin; maglinog an daga.

Mga Talinhaga 8:29

kan itao niya sa dagat an pagdolonan kaiyan, tanganing an katubigan dai maglapas sa saiyang pagboot, kan ibugtak niya an pundasyon kan daga.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 64:2

Magtatakig sinda siring sa tubig na nagkakalakaga sa ibabaw kan kalayo. Madya asin pahayagan an saimong kapangyarihan sa mga kaiwal mo, asin patakiga an mga nasyon huli kan saimong presensya!

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Amos 4:12

“Kaya papadusahan ko kamo, banwaan nin Israel. Mag-andam na kamo sa pag-atubang sako, huli ta gigibohon ko iyan!”

Amos 9:6

Pinapatindog nin Kagurangnan an saiyang harong sa kalangitan, asin ibinubugtak niya an panganoron sa itaas kan kinaban. Inaapod niya an katubigan kan dagat dangan inuula iyan sa daga. Kagurangnan an saiyang ngaran!

Jonas 1:16

Huli kaini nagkaigwa nin makuring takot sa Kagurangnan an mga tripulante, kaya nagdolot sinda nin sakripisyo asin nanuga na malingkod saiya.

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Markos 4:39

Nagbangon si Jesus, sinaway an doros dangan sinabihan an dagat, “Magtoninong ka! Ontok!” Nagtoninong an doros saka nagkalma.

Lukas 12:5

Alagad papatanidan ko kamo kun siisay an dapat nindong katakotan: matakot kamo sa Dios huli ta pakatapos na magbawe nin buhay, may kapangyarihan pa siya na magtapok sa impyerno! Sinasabihan ko kamo, siya an dapat katakotan.

Deuteronomio 28:58

“Kun bako kamong maimbod sa pagkuyog kan mga togon na nasusurat sa librong ini, asin kun dai kamo matakot sa ngaran nin Kagurangnan na saindong Dios,

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”