Jeremias 5:21 - Marahay na Bareta Biblia

²¹ Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Jeremias 5:21 ပူးပေါင်းရင်းမြစ်များ

Salmo 94:8

Pakasabota nindo, mga tawong patal! Mga lolong, nuarin nindo masasabotan?

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Isaias 43:8

Nagsabi an Dios, “Paatubanga an sakong banwaan sa hukoman. Igwa sinda nin mga mata, alagad mga buta; mga bongog, maski igwang mga talinga!

Isaias 44:18

Mga lolong an siring na mga tawo; dai ninda aram an saindang ginigibo. Pinirong ninda an saindang mga mata saka sineserahan an saindang isip sa katotoohan.

Jeremias 10:8

Gabos sinda mangmang saka lolong. Ano an naaadalan ninda sa kahoy na mga dios?

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 5:20

Nagtataram an Kagurangnan, “Sabihan mo an mga kapagarakian ni Jacob, sabihi an mga taga Juda:

Jeremias 5:4

Dangan nagsaboot ako, “Mga dukha sana sinda asin mayo nin pakasabot. Naggigibo sinda nin kamangmangan huli ta dai ninda naaaraman an kahagadan nin Kagurangnan, an boot saindang ipagibo nin Kagurangnan.

Jeremias 6:10

Nagsimbag ako, “Siisay an madangog sako kun kaolayon ko sinda saka patanidan? Matagas an saindang mga payo. Habo nindang hinanyogon an saimong tataramon asin pinagngingisihan ninda an ipinapahayag ko sainda.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 8:7

Maski an lapay nakakaaram kun nuarin siya dapat magbalik; an agbaan, an balinsayawan saka an talaod nakakaaram kan tamang panahon nin pagbago nin erokan. Alagad, kamong sakong banwaan, dai nindo naaaraman an sakong mga pagboot.

Ezekiel 12:2

“Aki nin tawo, nag-eerok ka sa tahaw nin mga rebeldeng tawo. Igwa sinda nin mga mata, alagad dai nakakamaan; igwa nin mga talinga, alagad dai nakakadangog, huli ta mga rebelde sinda.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Zacarias 7:11

“Alagad habo sindang maghinanyog. Sinerahan ninda an saindang mga isip

Markos 4:12

tanganing ‘maski anong hiling ninda, dai sinda makakamaan, maski anong dangog ninda, dai sinda makakasabot; huli ta kun makahiling sinda asin makasabot, tibaad magbalik sinda sa Dios asin patawadon niya sinda.’”

Markos 8:18

Igwa kamong mga mata, dai nindo nahihiling? Igwa kamong mga talinga, dai nindo nadadangog? Dai nindo nagigiromdoman?

Juan 12:40

“Binuta sinda nin Dios, pinatagas niya an saindang mga payo, tanganing dai sinda makahiling, asin dai sinda makasabot, patin dai makabalik sako, nganing paomayan ko sinda.”

Mga Gibo 28:26

‘Dumuman ka sa mga tawong iyan asin sabihan mo, Makakadangog kamo, alagad dai nanggad makakasabot; makakahiling kamo, alagad dai nanggad makakamaan.

Roma 1:20

Dai nanggad sinda nin dahelan huli ta poon na lalangon niya an kinaban, maliwanag na nahiling ninda an saiyang nakatagong naturalesa na iyo an saiyang kapangyarihan na mayong kataposan asin an saiyang pagka-Dios. Nahiling ninda iyan sa paagi kan mga bagay na ginibo niya.

Roma 11:8

Siring kan sinasabi sa kasuratan, “Pinaluya nin Dios an saindang isip; dai sinda nakakahiling asin dai sinda nakakadangog sagkod sa aldaw na ini.”

Deuteronomio 29:3

Nahiling nindo an mga makatakot na peste, an mga tanda saka mga ngangalasan na ginibo niya;

Deuteronomio 29:4

alagad sagkod ngunyan na aldaw, dai pa niya ipinapasabot saindo an saindong naeksperyensyahan.

Deuteronomio 32:6

Arog kaini an pagbalos nindo sa Kagurangnan, kamo na sarong lolong asin mayong isip na banwaan? Siya an saindong ama, saindong Kaglalang, an nagpatindog saindo bilang sarong banwaan.