Jeremias 5:15 - Marahay na Bareta Biblia

¹⁵ Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Jeremias 5:15 ပူးပေါင်းရင်းမြစ်များ

Genesis 11:7

Magduman kita asin ribongon ta an saindang lengwahe tanganing dai na sinda magkasinarabotan.”

Salmo 81:5

Itinao niya iyan sa banwaan nin Israel kan salakayon niya an daga nin Egipto. Sarong tingog na bako kong midbid an nadangog kong nagsabi,

Isaias 28:11

Kun habo kamong magdangog sako, an mga dayuhan na nagtataram kan dai nindo aram na lengwahe an gagamiton nin Dios tanganing tukdoan kamo.

Isaias 29:3

Sasalakayon nin Dios an syudad, papalibotan iyan asin papalibotan nin mga tore.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 33:19

Dai na kamo makakahiling nin mga mahambog na dayuhan na nagtataram sa sarong lengwahe na dai nindo nasasabotan.

Isaias 39:3

Dangan nagduman an propetang si Isaias ki Hadeng Ezekias asin naghapot, “Saen hale an mga lalaking ini? Ano an sinabi ninda saimo?” Nagsimbag si Ezekias, “Hale sinda sa harayong nasyon, sa Babilonia.”

Isaias 5:26

Aapodon nin Kagurangnan an sarong harayong nasyon. Sisiwitan niya iyan sa mga poro kan kinaban, asin madatong tolos iyan!

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 1:15

huli ta aapodon ko an gabos na kahadean sa amihan na magdigdi. An mga hade ninda mabugtak kan saindang mga trono sa mga trangkahan nin Jerusalem saka sa palibot kan mga kudal kaini. Siring man an gigibohon ninda sa palibot kan gabos na syudad nin Juda.

Jeremias 2:26

Nagsasabi an Kagurangnan, “Arog kan mahabon na sinosopog kun nadadakop, kamong banwaan nin Israel sosopogon man—an saindong mga hade saka mga opisyal, an saindong mga padi saka mga propeta.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 4:16

Nagdatong sinda tanganing patanidan an mga nasyon saka sabihan an Jerusalem na nagdadangadang an mga kaiwal hale sa sarong harayong lugar. An mga kaiwal na ini makurahaw laban sa mga syudad nin Juda,

Jeremias 5:11

Alagad pinasaluiban nanggad ako kan mga taga Israel asin taga Juda. Ako, an Kagurangnan, an nagtaram.”

Jeremias 6:22

An Kagurangnan nagtataram, “May maabot na mga tawong hale sa sarong lugar sa amihan; sarong makosog na nasyon sa harayong lugar an nag-aandam para sa gera.

Ezekiel 18:31

Bayaan nindo an gabos na kasalan na naginibo nindo tumang sako, asin magkua kamo para saindo nin bagong puso saka bagong espiritu! Kamong mga Israelita, tadaw ta boot nindong magadan?

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Daniel 7:7

Mantang naghihiling pa ako, nagtunga an ikaapat na hayop. Makosog ini, makatatakot, asin makangingirhat. Rinonot kaini an saiyang mga biktima sa paagi kan darakulang lansang na ngipon, dangan tinimaktimakan. Napapalaen ini sa mga hayop na nagkaerenot; igwa ini nin sampolong sungay.

Amos 6:14

An Kagurangnan mismo, an Dios nin mga hukbo, nagtataram, “Banwaan nin Israel, sarong dayuhan na hukbo an ipapadara ko tanganing sakopon an saindong daga. Aapihon kamo kaiyan magpoon sa Agihan nin Hamat sa amihan sagkod sa Sapa nin Araba sa habagat.”

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

1 Corinto 14:21

Nasusurat sa Katogonan, “Mataram ako sa mga tawong ini sa paagi kan mga tawong nakakapagtaram sa manlaen-laen na lengwahe, asin sa paagi kan mga dayuhan, alagad maski siring, dai ninda ako dadangogon, an sabi kan Kagurangnan.”

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.