Jeremias 49:8 - Marahay na Bareta Biblia

⁸ Mga taga Dedan, magdulag saka magtago kamo. Roronoton ko an mga kapagarakian ni Esau huli ta nag-abot na an panahon tanganing padusahan ko sinda.

Jeremias 49:8 ပူးပေါင်းရင်းမြစ်များ

Isaias 2:21

Matarago sinda sa mga lungib sa kagapoan asin sa mga barana kan mga ampas sa pagdulag sa kaanggotan nin Kagurangnan, asin sa saiyang kamurawayan, sa saiyang pagtindog sa pagyugyog kan kinaban.

Isaias 21:13

Iyo ini an mensahe dapit sa Arabia. Kamong mga taga Dedan, na an mga parabaklay nagkakampo sa kaawagan nin Arabia,

Isaias 34:5

Inandam na nin Kagurangnan an saiyang espada sa langit, asin ngunyan nag-iibaba iyan sa Edom, sa mga tawong saiyang sinentensyahan nin kagadanan.

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 48:28

“Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Jeremias 48:6

‘Maghidali kamo, iligtas nindo an saindong buhay!’ an sabi ninda. ‘Magdalagan kamo arog kan lalaw na asno sa desyerto!’

Jeremias 49:30

Mga taga Hazor, ako, an Kagurangnan, minapatanid saindo na magdulag na kamo sa harayo saka magtago. May plano laban saindo si Hadeng Nebukadnezzar nin Babilonia, asin iyo ini an sinasabi niya,

Jeremias 49:32

“Kuahon nindo an saindang mga kamelyo saka an gabos nindang mga baka! Iwawarak ko sa gabos na direksyon an mga tawong iyan na nagpuputol kan saindang buhok. Dadarahan ko sinda nin kasakitan hale sa gabos na direksyon.

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Ezekiel 25:13

kaya minapahayag ako na papadusahan ko an Edom asin gagadanon ko an lambang tawo saka hayop diyan. Raraoton ko an daga nin Edom, magpoon sa syudad nin Teman sagkod sa syudad nin Dedan, asin an mga tawo diyan gabos magagadan sa gera.

Malakias 1:3

Ikinaongis ko si Esau saka an saiyang kapagarakian. Rinaot ko an mabulod na daga ni Esau asin pinabayaan ko sa mga lalaw na ayam.”

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”

Kapahayagan 6:15

Dangan an mga hade sa kinaban, an mga darakulang tawo, an mga opisyal kan hukbo, an mga mayaman saka mga mapangyari asin an gabos na iba pang mga tawo, oripon o bako, nagtago sa mga lungib asin sa mga darakulang gapo nin kabukidan.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;