Jeremias 49:5 - Marahay na Bareta Biblia

⁵ Papadarahan ko kamo nin katakotan hale sa gabos na direksyon. An lambang saro saindo madulag asin mayo na nin matipon giraray kan saindong mga soldados.

Jeremias 49:5 ပူးပေါင်းရင်းမြစ်များ

2 Mga Hade 19:7

Gigibohon nin Kagurangnan na makadangog an hade nin Asiria nin sarong huringhuding tanganing magbalik siya sa saiyang banwaan, asin duman magadan.”

An Libro ni Job 15:21

Makangirhat na mga tingog an saiyang madadangog; masalakay an mga tulisan sa oras na iniisip niyang ligtas.

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Isaias 16:3

Minasabi sinda sa mga taga Juda, “Sabihi kami kun ano an samong dapat na gibohon. Suroga kami siring sa sarong kahoy na nagtatao nin malipot na lindong kun odto, asin tugote kaming magpahingalo sa saindong limpoy. Nakadulag kami sa mga naglalamag samo; tagoa kami sa lugar na mayo nin makakakua samo.

Jeremias 15:8

An mga babaeng balo sa daga nindo mas dakul pa ki sa baybay sa tampi kan dagat. Ginadan ko an saimong mga lalaki sa saindang pagkahoben, asin pinatios ko an saindang mga ina. Bigla kong hinampak sinda nin makuring sakit asin takot.

Jeremias 16:16

Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Jeremias 49:29

Samsamon nindo an saindang mga tolda saka mga hayop, an mga kurtina kan tolda asin an gabos na yaon sa laog kan mga iyan. Kuahon nindo an saindang mga kamelyo dangan sabihan nindo an mga tawo na, ‘An katakotan nasa palibot nindo!’

Jeremias 6:25

Dai na kami nangangahas na magduman sa kaomahan ni maglakaw sa mga tinampo, huli ta armado an samong mga kaiwal asin an katakotan nakapalibot samo.”

Mga Panambitan 4:15

Nagkurahaw an mga tawo, “Humarayo kamo, mga maati! Dai nindo kami pagdutaan!” Kaya naglagalag sinda sa mga nasyon, mayo nin minaako sa sainda.

Amos 4:3

Guguyodon kamo pasiring sa pinakaharaning labot sa kudal dangan itatapok sa luwas.”

Josue 2:9

asin nagsabi sainda, “Naaaraman ko na itinao saindo nin Kagurangnan an dagang ini. Natatakot saindo an gabos na nag-eerok digdi.