Jeremias 49:4 - Marahay na Bareta Biblia

⁴ Kamong mga bakong maimbod na tawo, tadaw ta naghahambog kamo? Nanluluya na kamo. Tadaw ta nananarig kamo sa saindong kapangyarihan saka nagsasabi na mayo nin mangangahas na magsalakay saindo?

Jeremias 49:4 ပူးပေါင်းရင်းမြစ်များ

Salmo 49:6

mga tawong nagsasarig sa saindang kayamanan, na naghahambog huli sa kadakulan kaiyan?

Salmo 52:7

“Hilinga an lalaki na habong gibohon an Dios bilang saiyang pailihan, kundi nagsarig sa kadakulan kan saiyang kayamanan, asin naglaom sa sadiring kasombikalan.”

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Mga Talinhaga 10:15

An kayamanan iyo an nag-iingat sa mga mayaman; an kadukhaan iyo an minaraot sa dukha.

Jeremias 21:13

Nagtutukaw ka, Jerusalem, sa itaas kan mga kapantayan, arog sa gapo na nasa tahaw nin kahiwasan. Alagad ako kalaban mo. Sinasabi mo na mayo nin makakasalakay saimo o maglaog sa saimong mga bantayan.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Oseas 4:16

An mga taga Israel matatagas an payo siring sa mga mula. Paano ko sinda mapapakakan arog sa mga kordero sa sarong mahiwas na pasabsaban?

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

Kapahayagan 18:7

Pasakitan saka papagtioson nindo siya, katimbang kan saiyang kapaabaw-abawan asin kalabihan. Huli ta dayaday siyang nagsasabi sa sadiri niya, ‘Nagtutukaw ako bilang reyna! Bako akong balo, dai nanggad ako magmomondo!’