Jeremias 49:35 - Marahay na Bareta Biblia

³⁵ Nagsabi an Kagurangnan nin mga hukbo, “Babarion ko an pana nin Elam, an armas na tanda kan saindang kosog.

Jeremias 49:35 ပူးပေါင်းရင်းမြစ်များ

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 22:6

An mga soldados hale sa daga nin Elam nag-abot na nakalunad sa mga kabayo, armado nin mga pana. Inandam na man kan mga soldados na hale sa Kir an saindang mga kalasag.

Jeremias 50:14

“Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Jeremias 51:56

Nag-abot sinda tanganing raoton an Babilon; binihag an mga soldados kaini, saka binari an saindang mga pana. Ako an Dios na nagpapadusa kan karatan, asin papabayadon ko an Babilonia sosog sa maninigo saiya.

Oseas 1:5

Sa panahon na iyan, raraoton ko an kapangyarihan kan hukbo nin Israel sa Kapantayan nin Jezreel.”