Jeremias 49:31 - Marahay na Bareta Biblia

³¹ ‘Magbangon kamo, dangan salakayon ta an sarong nasyon na namumuhay na matiwasay saka maginhawa. An saindang syudad mayo nin mga trangkahan saka mga barat asin yaon ini sa sarong siblag na lugar.’

Jeremias 49:31 ပူးပေါင်းရင်းမြစ်များ

Salmo 123:4

Haloy na kaming pinag-oolog-olog kan mga mayaman, asin ikinakaanggot kan mga mapaabaw-abaw.

Salmo 73:12

Siring kaiyan an mga tampalasan; trangkilo an buhay asin padagos na nagyayaman.

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Isaias 32:9

Kamong mga babaeng namumuhay na matiwasay asin mayo nin mga kahaditan, dangoga nindo an sinasabi ko.

Isaias 42:11

Pag-omawon kan desyerto asin kan mga banwa kaiyan an Dios; pag-omawon siya kan mga tawo sa Kedar! An mga nag-eerok sa syudad nin Sela magkukurahaw sa kaogmahan sa mga alitoktok kan kabukidan!

Isaias 47:8

“Dangoga ini, ika na mamomoton sa kaogmahan, na naghohonang ligtas ka saka matoninong. Sinasabi mong arog ka kadakula sa Dios— na mayong makakaarog sa saimo. Naghona kang dai ka nanggad mababalo o magagadanan nin mga aki.

Jeremias 48:11

Nagtaram an Kagurangnan, “Danay na namuhay sa katiwasayan an Moab asin dai pa lamang nabihag. Garo siya arak na dai hinihiro; dai siya pinagpapalis-palis sa mga lalagan. Kaya dai nag-iiba an saiyang namit, asin dai nagbabago an saiyang parong.

Ezekiel 30:9

“Pag-abot kan aldaw na iyan, asin rumpag na an Egipto, mapadara ako nin mga sugo na nakalunad sa mga barko tanganing takoton an mayong pakaaram na banwaan nin Etiopia, dangan magkakatarakot sinda. Nagdadangadang na an aldaw na iyan!”

Ezekiel 38:11

Madesisyon kang salakayon an sarong mayong laban na banwaan, na an mga tawo matoninong asin matiwasay na namumuhay sa mga banwaan na mayo nin mga kudal o mga trangkahan.

Ezekiel 39:6

Mapadara ako nin kalayo sa daga nin Magog asin sa mga baybayon nin dagat saen toninong na nag-eerok an mga tawo, dangan maaaraman nin gabos na ako an Kagurangnan.

Mikas 7:14

Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

Nahum 1:12

Ini an sinasabi nin Kagurangnan sa saiyang banwaan na Israel: “Maski makokosog saka dakul an mga taga Asiria, magagadan sinda asin mawawara. Banwaan ko, pinatios taka, alagad dai ko na iyan gigibohon giraray.

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Deuteronomio 33:28

Kaya an Israel nag-eerok sa katoninongan, sa daga na mayaman sa ani asin sa arak, na binabaribi kan ambon nin kalangitan.