Jeremias 49:29 - Marahay na Bareta Biblia

²⁹ Samsamon nindo an saindang mga tolda saka mga hayop, an mga kurtina kan tolda asin an gabos na yaon sa laog kan mga iyan. Kuahon nindo an saindang mga kamelyo dangan sabihan nindo an mga tawo na, ‘An katakotan nasa palibot nindo!’

Jeremias 49:29 ပူးပေါင်းရင်းမြစ်များ

Genesis 37:25

Mantang nagkakakan sinda, nahiling ninda an grupo nin Ismaelita na hale sa Gilead asin mapaduman sa Egipto. An saindang mga kamelyo kargado nin mga pahamot, balsamo, saka mira.

An Libro ni Job 1:3

asin pitong ribong karnero, tolong ribong kamelyo, sangribong baka saka limang gatos na asno. Igwa man siya nin dakul na sorogoon; kaya siya an pinakamayaman na lalaki sa Sirangan.

Salmo 120:5

Herak man sako na nakikimanwa ako sa Mesek; na nakikierok ako sa mga tolda nin Kedar.

Salmo 31:13

Nadangog ko an hinghing kan kadaklan; nin takot ako napapalibotan. Boronyog na nag-iisip sinda tumang sako, nagpaplano nin paggadan sako.

Isaias 13:20

Mayo na nin mag-eerok duman sagkod pa man. Mayong lagalag na Arab na mapatindog kan saiyang tolda duman, asin mayong pastor na mapasabsab kan saiyang mga hayop sa nasabing lugar.

Isaias 60:7

An gabos na karnero nin Kedar saka Nebaiot dadarahon saimo bilang mga sakripisyo asin idodolot sa altar tanganing maogma an Kagurangnan. Orog na papamurawayon nin Kagurangnan an saiyang Templo sagkod lamang.

Jeremias 10:20

Raot na an samong mga tolda; nagkaparatod na an mga lubid kaini. Mayo na an gabos ming aki; mayo na nin natadang matugdok giraray kan samong mga tolda; mayo na nin masabit kan mga kurtina.”

Jeremias 4:20

Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Jeremias 49:24

Nanluluya na an mga taga Damasco; nagdurulag sinda huli sa takot. Nakukulogan sinda saka namomondo arog sa namamatean nin sarong babae na madali nang mangaki.

Jeremias 49:5

Papadarahan ko kamo nin katakotan hale sa gabos na direksyon. An lambang saro saindo madulag asin mayo na nin matipon giraray kan saindong mga soldados.

Jeremias 6:25

Dai na kami nangangahas na magduman sa kaomahan ni maglakaw sa mga tinampo, huli ta armado an samong mga kaiwal asin an katakotan nakapalibot samo.”

Habakkuk 3:7

Nahiling ko na nagkatarakot an mga taga Cushan asin nagkurubogkubog an mga taga Midian.

2 Corinto 4:8

Pinapasakitan kami sa gabos na paagi, alagad dai kami nadadaog; napupurisaw kami, alagad dai kami nawawaraan nin paglaom.

2 Corinto 7:5

Poon kan mag-abot kami sa Macedonia, dai lamang kami nakapahingalo. Nanumpongan mi an kasakitan saen man kami bumirik—mga iriwal sa palibot, asin takot sa samong puso.

Hukom 6:5

Minasalakay sindang dara an saindang mga hayop saka tolda, asin huli ta kadakul sinda, nakakaarog sinda sa mahibog na doron. Sinda asin an saindang mga kamelyo dai mabilang. Minaabot sinda asin rinaraot an daga.

Hukom 7:12

An mga Midianita, mga Amalekita asin an mga tribung nag-eerok sa desyerto wararak sa kapantayan arog sa kadakul na doron; dai mabilang an saindang mga kamelyo, na siring kadakul kan mga baybay sa tampi kan dagat.

Hukom 8:21

Dangan nagsabi ki Gideon si Zeba asin si Zalmunna, “Kaipuhan na sarong lalaki an gumibo kan trabaho nin sarong lalaki. Ika an dapat na gumadan samo.” Kaya ginadan sinda ni Gideon asin kinua niya an mga samno na nakabitay sa liog kan saindang mga kamelyo.

Hukom 8:26

Kan timbangon an mga bulawan na hikaw na itinao ki Gideon, uminabot ini sa beynte kilos asin dai pa kaiba digdi an iba pang mga alahas, an mga purpurang tela na sulot kan mga hade kan Midian, sagkod an mga samno sa liog kan saindang mga kamelyo.