Jeremias 49:23 - Marahay na Bareta Biblia

²³ Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.

Jeremias 49:23 ပူးပေါင်းရင်းမြစ်များ

Genesis 14:15

Pag-abot ninda duman, binaranga ni Abram sa nagkapirang grupo an saiyang tawohan, asin pagkabanggi sinalakay ninda an kalaban na saindang dinaog. Linamag niya sinda sagkod sa Hobah, sa amihan kan Damasco

Genesis 15:2

Alagad nagsimbag si Abram, “O Kagurangnan Dios, anong halaga kan itatao mo sakong premyo huli ta mayo akong aki, asin an sakong eredero iyo si Eliezer kan Damasco.

2 Samuel 17:10

Kaya maski an pinakamaisog na mga lalaki na an puso siring sa puso nin sarong leon, matatakot huli ta an bilog na Israel nakakaaram na sarong dakulang soldados an saimong ama asin matitibay na mga lalaki an saiyang mga tawohan.

2 Samuel 8:9

Kan madangog ni Toi na hade kan Hamat na dinaog ni David an bilog na hukbo ni Hadadezer,

1 Mga Hade 11:24

asin nagin lider nin sarong grupo nin mga tulisan. (Nangyari ini pakatapos na madaog ni David si Hadadezer asin magadan an mga kaalyansa niyang taga Siria.) Nagpasiring sa Damasco si Rezon kaiba an saiyang mga tawohan asin duman sinda nag-erok. Duman ginibo siyang hade nin Siria kan saiyang mga tawohan.

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

2 Mga Hade 18:34

Haen na ngunyan an mga dios nin Hamat asin Arpad? Haen an mga dios nin Sefarvaim, Hena asin Ivva? Ikinaligtas daw ninda an Samaria?

2 Mga Hade 19:13

Haen na an mga hade kan syudad nin Hamat, Arpad, Sefarvaim, Hena, asin Ivva?”

2 Mga Hade 5:12

Bakong an mga Salog nin Damasco, an Abana saka an Farpar, orog na marahay ki sa gabos na katubigan nin Israel? Dai daw ako pwedeng maghugas duman asin magin malinig?”

2 Mga Cronica 16:2

Kaya nagkua si Asa nin plata saka bulawan hale sa kayamanan sa Templo saka sa palasyo dangan ipinadara ki Hadeng Benhadad nin Siria na idtoon duman sa Damasco, kaiba an mensaheng ini:

Exodo 15:15

Mga lider nin Edom napano nin katakotan; makokosog na lalaki sa Moab pinagtarakigan; nawaraan nin isog gabos na taga Canaan.

Isaias 10:9

Sinakop ko an mga syudad nin Calno asin Carkemis, an Hamat saka an Arpad. Sinakop ko an Samaria asin an Damasco.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 13:7

Kaya panruruluyahon an gabos na kamot asin mawawaraan nin kosog nin boot an gabos na tawo.

Isaias 36:19

Haen na ngunyan an mga dios nin Hamat asin Arpad? Haen na an mga dios nin Sefarvaim? Ikinaligtas daw ninda an Samaria?

Isaias 37:13

Haen na an mga hade kan mga syudad nin Hamat, Arpad, Sefarvaim, Hena, asin Ivva?”

Isaias 57:20

Alagad an mga maraot nakakaagid sa dagat na parating maalon, na dai nagkakalma, asin an saiyang tubig nagdadara nin laboy saka ati.

Isaias 7:8

Huli ta an pangenot na syudad nin Siria iyo an Damasco; an pamayo nin Damasco iyo si Rezin. (Manongod sa Israel, sa laog nin sesenta y singkong taon, magagaba iyan asin dai magdadanay bilang sarong nasyon.)

Jeremias 39:5

Alagad linamag sinda kan hukbo nin Babilonia asin nadakop si Zedekias sa kapantayan na harani sa Jordan. Dinara ninda siya ki Hadeng Nebukadnezzar, na nasa syudad nin Ribla, sa teritoryo nin Hamat; duman itinao ni Nebukadnezzar an padusa saiya.

Ezekiel 27:18

Nakipagnegosyo saimo an Damasco. An mga produkto asin manlaen-laen na kagamitan mo rinibayan ninda nin arak na gikan sa Helbon, asin telang lana na gikan sa Sahar; rinibayan ninda nin lansang saka mga pahamot an saimong mga itinitinda.

Amos 6:2

Lakaw kamo asin hilinga nindo an syudad nin Calne, dangan magdagos kamo sa dakulang syudad nin Hamat saka lumugsot kamo pasiring sa Filistiong syudad nin Gat. Mas marahay daw an mga ini ki sa mga kahadean nin Juda saka Israel? Mas dakula daw an saindang teritoryo ki sa teritoryo nindo?

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Mga Bilang 13:21

Kaya nagpasiring sa amihan an mga espiya asin siniyasat ninda an daga magpoon sa kalangtadan nin Zin sa parteng habagat sagkod sa Rehob, harani sa Dalan nin Hamat sa amihan.

Mga Gibo 27:20

Dakul na aldaw na dai mi nahiling an aldaw ni an mga bitoon; padagos an makosog na bagyo. Mayo na kami nin paglaom na makaligtas pa.

Mga Gibo 9:2

asin naghagad nin mga surat nin pagpamidbid para sa mga sinagoga sa Damasco, nganing kun igwa duman nin mga parasunod kan Dalan nin Kagurangnan, lalaki man o babae, dadakopon niya saka ibabalik sa Jerusalem.

2 Corinto 11:32

Kan nasa Damasco ako, an gobernador duman na sakop ni Hadeng Aretas nagbugtak nin mga bantay sa mga trangkahan kan syudad tanganing dakopon ako.

Deuteronomio 20:8

“Masabi pa sa hukbo an mga opisyal, ‘Igwa digdi sa saindong takot asin maluya an boot? Kun igwa, magpuli na siya; tibaad mapaluya pa niya an boot kan iba.’

Josue 14:8

Tinakot an mga tawo kan mga kairiba ko, alagad maimbod na kinuyog ko an Kagurangnan na sakong Dios.

Josue 2:11

Pagkadangog mi kaini, nagkatarakot kami; nawaraan kami nin isog huli saindo. An Kagurangnan na saindong Dios, iyo an Dios sa langit asin sa daga.