Jeremias 49:19 - Marahay na Bareta Biblia

¹⁹ Arog sa sarong leon na minaluwas sa kadlagan kan Jordan asin minapasiring sa berdeng dagang pasabsaban, maabot ako dangan bigla kong papadulagon an mga taga Edom hale sa saindang syudad. Dangan an lider na pipilion ko iyo an mamamahala sa nasyon. Siisay an pwedeng ibaing sako? Siisay an mangangahas na lumaban sako? Siisay na pamayo an pwedeng sumalungat sako?

Jeremias 49:19 ပူးပေါင်းရင်းမြစ်များ

1 Mga Cronica 12:15

Kan enot na bulan kan baha an Salog nin Jordan, nagbalyo an mga lalaking ini sa salog, kaya nagdurulag an mga tawo na nag-eerok sa mga kapantayan na nasa sirangan asin nasa solnopan.

2 Mga Cronica 20:6

asin namibi, “O Kagurangnan, Dios nin samuyang mga ginikanan, ika an Dios sa langit na naghahade kan gabos na kahadean sa kinaban! Nasa saimong kamot an kosog asin kapangyarihan, kaya mayo nin makakatumang saimo.

An Libro ni Job 41:10

Kun siya naanggot, nagigin maringis siya; mayo nin siisay man na nangangahas na mag-atubang saiya.

An Libro ni Job 9:19

Kun kosog an sakong gamiton, mangyari daw iyan? Kun paatubangon ko siya sa hukoman, siisay an makakapaduman saiya?

An Libro ni Job 9:21

Mayo ako nin sala, alagad mayo na iyan nin halaga sa sako; naoongis na ako sa sakong buhay.

Salmo 143:2

Dai mo paghukoman an sorogoon mo, huli ta mayo nin matanos sa atubang mo.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Salmo 76:8

Ipinahayag mo an paghukom hale sa langit; natakot an daga asin dai naggirong,

Salmo 89:6

Huli ta siisay sa langit an ikakaarog sa Kagurangnan? Siisay sa mga langitnon na linalang an arog sa Kagurangnan?

Salmo 89:8

Kagurangnan, Dios nin mga hukbo, mayo nin arog saimo kamapangyari; ika maimbod sa gabos na bagay, Kagurangnan.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Isaias 40:25

Sa kiisay pwedeng ikabaing an Dios? Igwa daw nin makakaarog saiya?

Isaias 46:9

Giromdoma kun ano an nangyari kaidtong panahon; akoa nindo na ako sana an Dios asin pwera sako mayo na nin ibang dios; mayo na nin ibang arog sako.

Jeremias 12:5

Nagtaram an Kagurangnan, “Jeremias, kun dai ka makatagal sa daralagan na an kalaban tawo, paano ka makikilaban sa kabayo? Kun ika nadadapa sa patag na lugar, paano ka makakatagal sa kadlagan nin Jordan?

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Jeremias 4:7

Arog sa sarong leon na nagluluwas sa saiyang tagoan, nagluluwas an sarong pararaot nin mga nasyon. Nagdadangadang na siya tanganing raoton an Juda. An mga syudad nin Juda raraoton asin mayo na nin mag-eerok diyan.

Daniel 7:4

An enot nakakaagid sa sarong leon alagad igwa ini nin mga pakpak nin agila. Mantang naghihiling ako, natangkas an mga pakpak kan hayop. Dangan initaas an hayop asin pinatindog arog sa sarong tawo. Pakatapos, tinawan ini nin isip nin tawo.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Zacarias 11:3

Naghihibi an mga pamayo sa kamondoan; mayo na an saindang kamurawayan! Dangoga an ungal kan mga leon; raot na an erokan nindang kadlagan sa may Salog nin Jordan!

Mga Bilang 16:5

Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Kapahayagan 6:17

Huli ta an mangirhat na aldaw kan saindang kaanggotan nag-abot na asin siisay an makakatagal kaiyan?”