Jeremias 49:17 - Marahay na Bareta Biblia

¹⁷ Nagtaram an Kagurangnan, “Makangirhat an karatan na maabot sa Edom kaya mamomongnan saka matitikbahan an lambang mag-agi duman.

Jeremias 49:17 ပူးပေါင်းရင်းမြစ်များ

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Ezekiel 25:13

kaya minapahayag ako na papadusahan ko an Edom asin gagadanon ko an lambang tawo saka hayop diyan. Raraoton ko an daga nin Edom, magpoon sa syudad nin Teman sagkod sa syudad nin Dedan, asin an mga tawo diyan gabos magagadan sa gera.

Ezekiel 27:36

Mayo ka na, mayo na sagkod pa man, asin an gabos na negosyante sa bilog na kinaban natatakot, ta tibaad makaarog sinda saimo.”

Ezekiel 35:15

siring na nag-ogma ka kan marumpag an Israel, an nasyon na sadiri ko. An bukid nin Edom, an bilog na daga nin Edom, magigin mamondo. Dangan maaaraman kan gabos na ako an Kagurangnan.”

Ezekiel 35:3

Sabihan mo sinda na ini an itinataram nin Kagurangnan Dios: “Kalaban taka, kabukidan nin Edom! Ibibikyaw ko an sakong kamot laban saimo dangan gigibohon takang sarong mamondo saka alang na daga.

Ezekiel 35:7

An mabulod na banwaan nin Edom gigibohon kong sarong alang na daga asin gagadanon ko an siisay man na mag-agi duman.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Deuteronomio 29:22

“Sa maabot na mga henerasyon, an saindong mga kapagarakian sagkod an mga dayuhan na gikan sa mga harayong lugar makakahiling kan mga kasakitan saka mga kahelangan na ipinadara nin Kagurangnan sa saindong daga.