Jeremias 49:15 - Marahay na Bareta Biblia

¹⁵ Gigibohon ka nin Kagurangnan na sarong maluyang nasyon, na pagtutuyatuyaon kan mga tawo.

Jeremias 49:15 ပူးပေါင်းရင်းမြစ်များ

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Jeremias 49:14

Nagsabi ako, “Edom, nag-abot sako an sarong mensahe hale sa Kagurangnan. Pinaduman niya sa mga nasyon an sarong sugo tanganing magsabi sainda na tiponon an saindang mga soldados saka mag-andam sa pagsalakay saimo.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Obadias 1:2

Tinataraman nin Kagurangnan an Edom, “Gigibohon takang pinakamaluyang nasyon asin pag-oolog-ologon ka kan gabos.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Lukas 1:51

Nagpahiling siya nin kosog nin saiyang kamot, winarak niya an mga mapaabaw-abaw sagkod an gabos nindang kaisipan.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.