Jeremias 49:14 - Marahay na Bareta Biblia

¹⁴ Nagsabi ako, “Edom, nag-abot sako an sarong mensahe hale sa Kagurangnan. Pinaduman niya sa mga nasyon an sarong sugo tanganing magsabi sainda na tiponon an saindang mga soldados saka mag-andam sa pagsalakay saimo.

Jeremias 49:14 ပူးပေါင်းရင်းမြစ်များ

Isaias 30:4

Huli ta maski duminatong na an saindang mga sugo sa mga Egipciong syudad nin Zoan saka Hanes,

Isaias 37:7

Gigibohon nin Kagurangnan na makadangog an emperador nin Asiria nin sarong huringhuding na makakapabalik saiya sa sadiri niyang daga, asin duman siya ipapagadan nin Kagurangnan.”

Jeremias 49:15

Gigibohon ka nin Kagurangnan na sarong maluyang nasyon, na pagtutuyatuyaon kan mga tawo.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:46

Dai kamo mawaraan nin kosog nin boot ni matakot huli kan mga bareta na saindong nadadangog. Lambang taon ibang bareta an minaabot—bareta nin kadahasan sa daga asin nin pag-iriwal kan mga hade.

Mateo 24:6

Makakadangog kamo nin ralaban saka mga huringhuding dapit sa gera. Alagad dai kamo mahandal, huli ta kaipuhan mangyari an mga bagay na ini, alagad bako pa iyan an kataposan.