Jeremias 49:11 - Marahay na Bareta Biblia

¹¹ Walatan nindo sako an saindong mga aking ilo na sa ama, asin aatamanon ko sinda; tugoteng magsarig sako an saindong mga babaeng balo.

Jeremias 49:11 ပူးပေါင်းရင်းမြစ်များ

Salmo 146:9

An mga dayuhan sinusurog nin Kagurangnan, an mga ilo asin balo saiyang tinatabangan, alagad rinaraot niya an mga plano kan mga tampalasan.

Salmo 68:5

Ama nin mga mayong ama asin parasurog nin mga balo; siring kaiyan an Dios sa saiyang banal na Templo.

Salmo 82:3

Tawan nindo nin katanosan an mga dukha asin an mga ilo; galangan nindo an deretso kan mga nagtitios asin kan mga nangangaipo.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Jonas 4:11

Dai ko man daw dapat na maherakan an Nineve, idtong dakulang syudad, na igwa nin syento beynte mil na inosenteng mga aki, asin dakul na mga hayop?”

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 10:18

Tinatawan niya nin katanosan an mga ilo saka mga babaeng balo; namomotan niya an mga dayuhan na nakikihimanwa sa satong banwaan asin tinatawan niya sinda nin pagkakan saka gubing.

1 Timoteo 5:5

An tunay na babaeng balo na mayo na nin nag-aataman, bilog an pagsarig sa Dios; danay siyang namimibi aldaw-banggi sa paghagad nin tabang.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.