Jeremias 48:9 - Marahay na Bareta Biblia

⁹ Magpatindog kamo nin lapida para sa Moab; dai na mahahaloy, raraoton na iyan. Papabayaan na raot an saiyang mga banwa, saka mayo na nin mag-eerok duman.” (

Jeremias 48:9 ပူးပေါင်းရင်းမြစ်များ

Salmo 11:1

Minasarig ako sa Kagurangnan. Tadaw ta minasabi ka sako, “Lumayog ka siring sa sarong gamgam pasiring sa kabubuldan,

Salmo 55:6

Ako minasabi, “Kun igwa sana ako nin mga pakpak siring sa salampati! Malayog ako tanganing magpahingalo.

Isaias 16:2

Yaon sinda sa pangpang kan Salog nin Arnon asin mayo sindang aram na dudumanan, siring sa mga gamgam na pinahale sa saindang salagan.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 46:19

Mga taga Egipto, andama nindo an saindong sadiri sa pagkabihag! An Memfis magigin sarong desyerto, sarong raot na lugar na mayo nin mag-eerok.

Jeremias 48:28

“Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.