Jeremias 48:35 - Marahay na Bareta Biblia

³⁵ Papaonton ko an mga tawo sa Moab sa pagdolot nin mga sakripisyo sa paganong mga lugar na pagsasambahan asin an pagtutong nin insenso para sa saindang mga dios-dios. Ako, an Kagurangnan, an nagtaram.

Jeremias 48:35 ပူးပေါင်းရင်းမြစ်များ

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 16:12

Pinapagal kan mga taga Moab an saindang sadiri sa pagsakat pasiring sa paganong mga lugar na pagsasambahan saka sa saindang mga templo sa pagpamibi, alagad dai iyan makakatabang sainda.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Mga Bilang 28:14

Kaiba kaiyan iyo an mga dolot na arak; duwang litrong arak para sa lambang torong baka, saro may kabangang litro para sa lalaking karnero, asin sarong litro para sa lambang kordero. Iyo ini an pagsusundon para sa tinutong na atang kun enot na aldaw kan lambang bulan kan taon.