Jeremias 48:33 - Marahay na Bareta Biblia

³³ Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Jeremias 48:33 ပူးပေါင်းရင်းမြစ်များ

Isaias 5:10

An sampolong ektaryang ubasan makukuahan sana nin walong letro nin arak, asin an syento otsentang litrong banhi mabunga sana nin dyes y otsong litrong mais.”

Isaias 7:23

“Pag-abot kan panahon na iyan, an lambang ubasan, na kaidto nakukuahan nin sangribong balagon nin ubas asin nagkakahalaga nin sangribong pedaso nin plata, matatambonan nin mga binit saka tonok.

Isaias 9:3

Tinawan mo sinda nin dakulang kaogmahan, Kagurangnan; pinaogma mo sinda. Naoogma sinda sa saimong ginibo, siring na naoogma an mga tawo kun sinda nag-aani o kun sinda naghihiras kan mga sinamsam.

Joel 1:16

Mayo kitang naginibo mantang rinaraot an satong mga tinanom. Mayo na nin kaogmahan sa Templo kan satong Dios.

Joel 1:5

Pagmata kamo asin pagtangis, kamong mga paraburat; paghibi, kamong mga parainom nin arak; raot na an mga ubas na gigibohon na bagong arak.

Amos 5:17

Magkakaigwa man nin pagtangis sa mga ubasan huli ta madatong ako sa pagpadusa saindo.” An Kagurangnan an nagtaram.

Hageo 2:16

nagduman kamo sa tinambak na trigo sa paghona na makakakua kamo nin beynteng takad, alagad sampolo sana an idtoon duman. Nagduman kamo sa laogan nin arak sa pagharok nin singkwentang galon, alagad beynte sana an idtoon duman.