Jeremias 48:28 - Marahay na Bareta Biblia

²⁸ “Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Jeremias 48:28 ပူးပေါင်းရင်းမြစ်များ

Genesis 8:12

Pinalihis ni Noe an pito pang aldaw dangan pinalayog niya giraray an salampati. Dai na ini nagbalik.

Awit nin mga Awit 2:14

Nakakaagid ka sa salampating nagtatago sa gutak nin sarong gapo. Pahilingan sako an magayon mong lalawogon asin padangogan sako an nakakabihag mong tingog.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Jeremias 48:9

Magpatindog kamo nin lapida para sa Moab; dai na mahahaloy, raraoton na iyan. Papabayaan na raot an saiyang mga banwa, saka mayo na nin mag-eerok duman.” (

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Jeremias 49:8

Mga taga Dedan, magdulag saka magtago kamo. Roronoton ko an mga kapagarakian ni Esau huli ta nag-abot na an panahon tanganing padusahan ko sinda.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;