Jeremias 48:27 - Marahay na Bareta Biblia

²⁷ Moab, giromdoma kan pagtuyatuyaon mo an banwaan nin Israel. Ibinilang mo sinda siring sa mga tawong nadakop na kaiba kan mga mahabon.

Jeremias 48:27 ပူးပေါင်းရင်းမြစ်များ

An Libro ni Job 16:4

Makakataram man ako siring saindo, kun ako an nasa lugar nindo; pwede kong pagsugponon an mga tataramon laban saindo, asin magtango-tango kan sakong payo.

Salmo 44:13

Ginibo mo kaming ngingisihan kan mga kataraed nyamo; tinuyatuya, pinag-olog-olog kan mga nakapalibot samo.

Salmo 64:8

Huli kan saindang dila, raraoton niya sinda; dangan makuyong-kuyong nin payo an gabos na nakakahiling sainda.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Jeremias 18:16

An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 2:26

Nagsasabi an Kagurangnan, “Arog kan mahabon na sinosopog kun nadadakop, kamong banwaan nin Israel sosopogon man—an saindong mga hade saka mga opisyal, an saindong mga padi saka mga propeta.

Mga Panambitan 1:12

“Kamo na mga nag-aagi, mayo daw nin halaga ini saindo? Hilinga kun igwa nin kamondoan arog kan sakuyang kamondoan, na dinadara sako nin Kagurangnan kan aldaw nin labi-labi niyang kaanggotan.

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Ezekiel 25:8

Nagtaram an Kagurangnan Dios, “Huli ta nagsabi an Moab na an Juda arog sa ibang mga nasyon,

Ezekiel 35:15

siring na nag-ogma ka kan marumpag an Israel, an nasyon na sadiri ko. An bukid nin Edom, an bilog na daga nin Edom, magigin mamondo. Dangan maaaraman kan gabos na ako an Kagurangnan.”

Ezekiel 36:2

Ini an tataramon ko sainda, ako an Kagurangnan Dios: An mga kaiwal nin Israel may kapasloan na nagsabi, ‘Ngunyan samuya na ining suanoy na kabubuldan!’

Ezekiel 36:4

Kaya ini an itinataram ko, an Kagurangnan Dios, sa saindo, mga bukid saka mga bulod, mga ampas saka mga kapantayan, mga lugar na mamondo saka mga syudad na mayo nang nag-eerok, na sinamsaman asin pinagtuyatuya kan gabos na nasyon sa palibot.

Sofonias 2:10

Siring kaiyan an pagpadusa sa mga taga Moab saka Ammon, huli kan saindang kapalangkawan asin kapaabaw-abawan patin pagtuyatuya sa banwaan kan Kagurangnan nin mga hukbo.

Sofonias 2:8

An Kagurangnan nin mga hukbo nagtataram, “Nadangog ko an pagtuyatuya asin pag-olog-olog kan mga taga Moab saka Ammon sa sakong banwaan, asin naghahambog sinda na sasakopon ninda an daga kaini.

Mateo 26:55

Dangan sinabihan ni Jesus an mga tawo, “Kaipuhan pa daw na magdigdi kamong may darang mga espada saka mga pamakol na garo baga ako sarong bandido? Aroaldaw nasa Templo ako sa pagtukdo, alagad dai nindo ako dinakop.

Mateo 27:38

May ipinako man kasabay ni Jesus na duwang parahabon, saro sa too niya asin saro sa wala.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.