Jeremias 48:19 - Marahay na Bareta Biblia

¹⁹ Kamong nag-eerok sa Aroer, magtindog kamo sa gilid kan dalan saka maghalat; hapoton nindo an nagdudurulag, aramon nindo sainda kun ano an nangyari.

Jeremias 48:19 ပူးပေါင်းရင်းမြစ်များ

2 Samuel 24:5

Binalyo ninda an Jordan asin nagkampo sa habagat nin Aroer, an syudad na nasa tahaw kan kapantayan, sa teritoryo nin Gad. Hale duman, nagpa-amihan sinda, sa Jazer,

1 Mga Cronica 5:8

asin si Bela na aking lalaki ni Azaz na makoapo ni Sema sa kamaganakan ni Joel. An mga kamaganakan na ini nag-erok sa Aroer sagkod sa Nebo asin Baal-meon.

Mga Bilang 32:34

Pinatindog giraray kan tribu ni Gad an nakukudal na mga banwa nin Dibon, Atarot, Aroer,

Deuteronomio 2:36

Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Josue 12:2

An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;

Hukom 11:26

Sa laog nin tolong gatos na taon nag-erok an mga Israelita sa Hesbon, sa Aroer, asin sa mga banwa na nasa palibot kaiyan, sagkod sa mga syudad na yaon sa pangpang kan Salog nin Arnon. Tano ta dai mo kinua an dagang idto sa laog kan panahon na iyan?

1 Samuel 4:16

Sinabihan kan lalaki si Eli, “Nakadulag ako hale sa ralaban asin nagparadalagan ako pasiring digdi ngunyan.” Naghapot si Eli, “Ano an nangyari, aki ko?”