Jeremias 48:17 - Marahay na Bareta Biblia

¹⁷ “Magmondo kamo para sa nasyon na iyan, kamo na nag-eerok sa harani niya, kamo gabos na nakakaaram kan saiyang kabantogan. Sabihon nindo, ‘Pinutol na an mapangyari niyang paghahade; mayo na an saiyang kosog asin kamurawayan.’

Jeremias 48:17 ပူးပေါင်းရင်းမြစ်များ

Salmo 110:2

Ipapadara nin Kagurangnan hale sa Sion an setro nin saimong kapangyarihan. Maghade ka sa tahaw kan saimong mga kaiwal!

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 14:6

na sa kaanggotan nang-api nin mga banwaan asin dai nag-ontok sa pagpasakit sa mga nasyon na sinakop ninda.

Isaias 16:8

Huli ta nagkararaot an mga oma na harani sa Hesbon asin an mga ubasan nin Sibma—an mga ubasan na ginigikanan kan arak na nakakapaburat sa mga pamayo kan mga nasyon. Sarong panahon kaidto, an mga balagon nakakaabot sagkod sa syudad nin Jazer, asin sa kalangtadan sa sirangan, saka sa ibong kan Gadan na Dagat sa solnopan.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Jeremias 48:39

Pinasa na an Moab! Maghaya kamo! Nawaraan nin onra an Moab. Raot na ini asin pinagtutuyatuya kan gabos na kataraed na nasyon. Ako, an Kagurangnan, an nagtaram.”