Jeremias 48:11 - Marahay na Bareta Biblia

¹¹ Nagtaram an Kagurangnan, “Danay na namuhay sa katiwasayan an Moab asin dai pa lamang nabihag. Garo siya arak na dai hinihiro; dai siya pinagpapalis-palis sa mga lalagan. Kaya dai nag-iiba an saiyang namit, asin dai nagbabago an saiyang parong.

Jeremias 48:11 ပူးပေါင်းရင်းမြစ်များ

Salmo 123:4

Haloy na kaming pinag-oolog-olog kan mga mayaman, asin ikinakaanggot kan mga mapaabaw-abaw.

Salmo 55:19

An Dios na naghahade na daing kataposan, mahimate sako asin madaog kan mga kaiwal; huli ta dai sinda nagbabago nin buhay, asin an Dios dai ninda natatakotan.

Mga Talinhaga 1:32

An pagtalikod sa kadonongan iyo an minagadan sa mayong eksperyensya, asin an dai pakilabot kan mga lolong iyo an minaraot sainda.

Isaias 16:6

Minasabi an mga taga Juda, “Nadangog mi an kapalangkawan kan mga taga Moab. Gabos kaputikan an saindang ipinagpapaabaw-abaw asin ipinaghahambog.”

Isaias 24:3

Mararaot an daga asin magagaba, huli ta ini an itinaram nin Kagurangnan.

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Jeremias 22:21

Nagtaram saindo an Kagurangnan kan mauswag pa an saindong pamumuhay, alagad habo kamong maghinanyog. Iyo na iyan an gibo nindo poon kan kamo aki pa; dai nanggad kamo nagkuyog sa Kagurangnan.

Jeremias 48:12

“Kaya maabot an panahon na mapadara ako nin mga tawo tanganing iula an Moab arog sa arak. Hahaleon ninda an nasa laog kan lalagan nin arak saka papasaon ninda ini.

Jeremias 48:29

Mapaabaw-abaw nanggad an Moab! Nabaretaan ko an kapaabaw-abawan, kapalangkawan, kahambogan kan mga tawo, asin an pagigin makasadiri ninda.

Jeremias 51:34

An Jerusalem binaak kan hade nin Babilonia dangan kinakan. Binayaan niya iyan na mayo nin laog arog sa sarong tapayan; arog siya sa sarong sawa na huminalon kaiyan. Kinua niya an saiyang nagustohan dangan itinapok an iba.

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Nahum 2:2

Madali nang ibalik nin Kagurangnan an kamurawayan nin Israel, an dating kamurawayan kaini kan dai pa sinasamsaman kan saiyang mga kaiwal.)

Sofonias 1:12

“Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

Zacarias 1:15

Anggot ako nin marahay sa mga nasyon na nakakamate ngunyan nin katoninongan. Huli ta mantang pinupugolan ko an sakong kaanggotan laban sa sakong banwaan, orog pang dinagdagan kan mga nasyon an kasakitan kan sakong banwaan.