Jeremias 48:10 - Marahay na Bareta Biblia

¹⁰ Maldisyonon an tawong pabaya sa pagsunod sa trabaho nin Kagurangnan! Maldisyonon an tawong dai naninigbas saka dai nanggagadan!)

Jeremias 48:10 ပူးပေါင်းရင်းမြစ်များ

1 Mga Hade 20:39

Pag-agi kan hade, inapod siya kan propeta saka sinabihan, “Mahal na Hade, kan ako nakikilaban sa gera, sarong bihag an dinara sako nin sarong soldados. An sabi niya, ‘Bantayan mo an tawong ini; kun makadulag siya, buhay mo an kabayadan o magmumulta ka nin tres mil na pedaso nin plata.’

1 Mga Hade 20:40

Alagad nagin abala ako sa ibang bagay asin nakadulag an lalaki.” Nagsimbag an hade, “Ika na an naghukom sa saimo man sana. Ika an maako kan padusa.”

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

2 Mga Hade 13:19

Huli kaini, naanggot si Eliseo kaya sinabihan niya an hade, “Nagpana ka kutana nin lima o anom na beses, dangan bilog na panggana kutana an makakamtan mo laban sa mga taga Siria. Alagad ngunyan tolong beses mo sana sindang madadaog.”

Jeremias 11:3

na ako, an Kagurangnan Dios nin Israel, nagbugtak nin sarong maldisyon sa siisay man na dai nagkukuyog sa kahagadan kan tipan na ini.

Jeremias 47:6

Nagkukurahaw kamo, ‘Espada kan Kagurangnan; sagkod nuarin ka manlulugad? Maglaog ka sa saimong sarongan, mag-ontok ka saka magpahingalo!’

Jeremias 47:7

Alagad paano iyan magpapahingalo, mantang tinawan ko iyan nin gigibohon? Pinagbotan ko iyan na salakayon an Askelon saka an mga tawo na nag-eerok sa baybayon.”

Jeremias 50:25

Binukasan ko an sarayan kan mga armas, asin ilinuwas ko an mga armas huli sa sakong kaanggotan; huli ta ako, an Kagurangnan Dios nin mga hukbo, igwa nin gigibohon sa Babilonia.

Jeremias 50:27

Gadanon nindo an saiyang mga soldados! Uboson nindo sinda. Herak man sa mga taga Babilonia huli ta nag-abot na an aldaw, an panahon nin pagpadusa sa sainda.” (

Josue 10:19

alagad dai kamo mag-ontok duman. Lamagon nindo an mga kaiwal, asin salakayon nindo sinda hale sa likodan; dai nindo pagtugotan na makalaog sinda sa saindang mga syudad! Itinao na saindo nin Kagurangnan na saindong Dios an kapangganahan laban sainda.”

Hukom 5:23

“Maldisyonon an Meroz,” an olay kan anghel nin Kagurangnan, “maldisyonon an gabos na nag-eerok duman. Dai sinda nag-abot sa pagtabang sa Kagurangnan, sa pagtabang sa Kagurangnan laban sa mapangyari.”

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”

1 Samuel 15:9

Alagad dai ginadan ni Saul asin kan saiyang mga tawohan si Agag; dai man ninda ginaradan an pinakamarahay na mga karnero asin baka, an mga ogbon kan mga baka asin kan mga karnero, saka an gabos na mapapakinabangan; an ginadan sana ninda iyo idtong mga mayo nin pakinabang o halaga.