Jeremias 47:5 - Marahay na Bareta Biblia

⁵ Dakulang kamondoan an nag-abot sa mga taga Gaza, asin dai nagkakaalo an mga taga Askelon. Sagkod nuarin magmomondo an mga natada sa mga Filisteo?

Jeremias 47:5 ပူးပေါင်းရင်းမြစ်များ

1 Mga Hade 18:28

Kaya orog na namibi nin makosog an mga propeta. Linugad ninda an saindang sadiri sa paagi nin mga kutsilyo asin mga punyal, sosog sa saindang kaugalean, sagkod na nagburulos an saindang dugo.

Isaias 15:2

An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Jeremias 16:1

Nagtaram giraray sako an Kagurangnan. An sabi niya,

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 41:5

otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Jeremias 47:1

Bago sinalakay kan hade nin Egipto an Gaza, nagtaram sako an Kagurangnan manongod sa mga Filisteo.

Jeremias 47:4

Nag-abot na an panahon kan paggadan sa mga Filisteo, tanganing mahale an natatadang mga katabang kan Tiro saka Sidon. Ako, an Kagurangnan, an magadan sa mga Filisteo, na gabos hale sa mga baybayon nin Creta.

Jeremias 48:37

Inaris ninda an saindang buhok saka inahit an saindang barabas. Linugad ninda an saindang mga kamot saka nagsulot nin sako.

Ezekiel 25:16

kaya minapahayag ako na sasalakayon ko an mga Filisteo asin paparaon ko sinda. Gagadanon ko an gabos na nag-eerok sa Kapantayan nin Filistia.

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Levitico 19:28

Dai nindo pagbugtakan nin tato o paglugadan an saindong hawak sa pagmondo sa gadan. Ako an Kagurangnan.

Levitico 21:5

“Dai nin siisay man na padi na mag-aris kan arin man na parte kan saiyang payo o magputol kan saiyang barabas o maglugad kan saiyang hawak sa pagpahiling na siya nagmomondo.

Mikas 1:16

Mga taga Juda, putola an saindong mga buhok sa pagmondo para sa namomotan nindong kaakian. Aroga nindo an pagkaangas kan bwitre, huli ta itatapok an saindong kaakian.

Markos 5:5

Aldaw-banggi sige sana an lakaw niya, nagkukurahaw siya sa mga lulubngan asin kabubuldan, saka linulugadan niya kan gapo an sadiri niyang hawak.

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

Hukom 1:18

Tinabangan nin Kagurangnan an tribu ni Juda, asin nasakop kaini an mabulod na daga. Alagad dai ninda nasakop an Gaza, an Askelon, asin an Ekron, kaiba an mga kataraed na lugar. An mga tawong nag-eerok sa may baybayon igwa nin mga karwaheng lansang, kaya dai sinda napahale kan tribu ni Juda.