Jeremias 47:4 - Marahay na Bareta Biblia

⁴ Nag-abot na an panahon kan paggadan sa mga Filisteo, tanganing mahale an natatadang mga katabang kan Tiro saka Sidon. Ako, an Kagurangnan, an magadan sa mga Filisteo, na gabos hale sa mga baybayon nin Creta.

Jeremias 47:4 ပူးပေါင်းရင်းမြစ်များ

Genesis 10:15

Si Canaan iyo an ama si Sidon, na matua niyang aking lalaki, asin ni Het.

1 Mga Cronica 1:12

Patrus, Caslu, na iyo an ginikanan kan mga Filisteo asin Caftos.

An Libro ni Job 9:13

Danay an saiyang kaanggotan. Rinonot niya an saiyang mga kaiwal na nagtabang ki Rahab, an impakto na nagtumang saiya.

Salmo 37:13

Alagad nginingisihan nin Kagurangnan an mga maraot na tawo, huli ta aram niyang madali na sindang magadan.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 20:6

Pag-abot kan panahon na iyan, masabi an mga nag-eerok sa baybayon kan Filistea, ‘Hilinga! Iyo ini an mangyayari sa satong linaoman asin hinagadan nin tabang tanganing surogon kita sa hade nin Asiria! Paano kita makakadulag?’”

Isaias 31:8

Madadaog an Asiria sa gera, alagad bako huli sa kapangyarihan nin tawo. Madurulag sa gera an mga taga Asiria asin magigin mga oripon an saindang mga hoben na lalaki.

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Ezekiel 21:25

“Ika, maraot na pamayo nin Israel, nagdadangadang na an saimong aldaw, an aldaw kan huring pagpadusa saimo.

Ezekiel 21:29

Bakong totoo an mga bisyon na nahihiling nindo, asin kaputikan an mga ipinapahayag nindo. Tampalasan saka maraot kamo; nagdadangadang na an saindong aldaw, an aldaw kan huring pagpadusa saindo. Mahugpa sa saindong mga liog an espada.

Ezekiel 25:16

kaya minapahayag ako na sasalakayon ko an mga Filisteo asin paparaon ko sinda. Gagadanon ko an gabos na nag-eerok sa Kapantayan nin Filistia.

Ezekiel 30:8

Kun suloon ko na an Egipto asin magadan na an gabos na nagtabang kaiyan, dangan maaaraman ninda na ako an Kagurangnan.

Ezekiel 7:12

Nagdadangadang na an panahon. Harani na an aldaw na dai na magkakaigwa nin kahulogan an pagbakal ni an pagpabakal, huli ta an kaanggotan nin Dios maabot sa gabos.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Amos 9:7

An Kagurangnan nagtataram, “Banwaan nin Israel, an pagromdom ko sa Etiopia siring kan pagromdom ko saimo. Kinua ko an mga Filisteo hale sa Creta asin an mga Siro hale sa Kir, siring na kinua ko kamo sa Egipto.

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.

Deuteronomio 2:23

An nag-erok kaidto sa baybayon kan Mediteraneo sagkod sa Gaza iyo an mga Avvim; pinahale sinda kan mga taga Creta, na iyo an nag-erok sa lugar ninda.)

Josue 22:30

Nadangog ni Finehas asin kan sampolong mga lider na kairiba niya, na mga pamayo kan mga pamilya kan mga tribu sa solnopan, an sinabi kan mga tribu ni Ruben, Gad, saka ni Manases sa sirangan, asin nagkaorogma sinda.