Jeremias 46:8 - Marahay na Bareta Biblia

⁸ An Egipto iyo an nag-iitaas arog kan Nilo, arog sa sarong salog na an tubig nagsusupay sa pangpang. Nagsabi an Egipto, ‘Maitaas ako asin tatahoban ko an kinaban; raraoton ko an mga syudad saka gagadanon an mga nag-eerok diyan.

Jeremias 46:8 ပူးပေါင်းရင်းမြစ်များ

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Ezekiel 32:2

“Aki nin tawo, patanidan mo an hade nin Egipto asin itao mo saiya an mensaheng ini: Garo ka leon kun minahiro sa atubang kan mga nasyon, alagad orog kang nakakaarog sa sarong buayang naglalangoy-langoy sa salog. Pinapalabog mo an tubig huli kan saimong mga bitis asin dinidigtaan mo an mga salog.

Daniel 11:10

“Maandam para sa gera an mga aking lalaki kan hade nin Siria asin matipon sinda nin sarong dakulang hukbo. An saro sainda an padagos na masalakay siring sa sarong baha, asin sasalakayon niya an bantayan kan kaiwal.

Amos 8:8

Kaya magkakaigwa nin linog, asin mahahadit an gabos sa daga. Matatanyog an bilog na daga; maitaas asin maibaba iyan siring sa Salog nin Nilo.