Jeremias 46:4 - Marahay na Bareta Biblia

⁴ Busalan na nindo an mga kabayo saka lunadan na nindo, O mga parakabayo! Maglinya na kamo saka sulotan an saindong mga helmet! Taisa an saindong garod! Isulot na nindo an gubing na panggera!’

Jeremias 46:4 ပူးပေါင်းရင်းမြစ်များ

2 Mga Cronica 26:14

An hukbo tinawan ni Uzzias nin mga kalasag, mga garod, mga helmet, mga gubing na panggera, mga pana saka mga gapo para sa lagpitaw.

Nehemias 4:16

Magpoon kan aldaw na idto, an kabanga kan sakong tawohan nagtrabaho mantang an kabanga nagbantay na armado nin garod, kalasag, saka mga pana asin nakasulot kan gubing na panggera. An mga lider nakidumamay man sa mga tawo,

Isaias 8:9

Magtiripon kamo huli sa takot, kamong mga nasyon! Pagdangog kamo, mga harayong kabtang kan kinaban. Mag-andam kamo sa pakilaban, alagad matakot kamo! Iyo, mag-andam kamo, alagad matakot kamo!

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:3

An saiyang mga soldados dai nindo pabayaan na makapana o makasulot kan saindang gubing na panggera. Dai nindo pagpaligtason an mga hoben na lalaki; ronoton nanggad nindo an bilog na hukbo!

Ezekiel 21:28

“Aki nin tawo, magpropesiya ka asin ipahayag mo an itinataram ko, an Kagurangnan Dios, sa mga Ammonita, na nagtutuyatuya sa Israel. Sabihan mo sinda: Sarong espada an hinugkot tanganing manggadan. Pinakintab iyan tanganing ipanggadan, asin tanganing magsilyab arog sa kikilat.

Joel 3:9

“Ipahayag nindo ini sa mga nasyon: ‘Pag-andam para sa gera; apoda an saindong mga paralaban; tipona an gabos nindong soldados dangan lakaw na!

1 Samuel 17:38

Dangan itinao ni Saul ki David an sadiri niyang kagamitan sa gera: ibinugtak ni Saul an bronseng helmet sa payo ni David asin sinulotan niya kan bronseng pantahob sa hawak.

1 Samuel 17:5

sulot niya an sarong bronseng helmet asin bronseng pantahob sa hawak na an gabat singkwenta y syete kilos.