Jeremias 46:28 - Marahay na Bareta Biblia

²⁸ Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Jeremias 46:28 ပူးပေါင်းရင်းမြစ်များ

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Isaias 27:7

Mas makuri an padusa na itinao nin Kagurangnan sa kaiwal nin Israel ki sa Israel, asin mas dakul na lalaki an nagkagaradan.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 44:1

Nasasabi an Kagurangnan, “Maghinanyog ka ngunyan, Israel, sakong sorogoon, sakong piniling banwaan, kapagarakian ni Jacob.

Isaias 45:23

Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.

Jeremias 10:24

Padusahan mo an saimong banwaan, O Kagurangnan, alagad kan maninigo sana samo. Giboha iyan bakong sa kaanggotan, huli ta tibaad iyan an magin samuyang kataposan.

Jeremias 15:20

Para sa mga tawong ini, gigibohon takang pusog na kudal na bronse. Makikiiwal sinda saimo, alagad dai ka ninda madadaog, huli ta iibahan taka tanganing ingatan asin iligtas.

Jeremias 23:4

Mapili ako nin mga pamayo na mag-aataman sainda. An sakong banwaan dai na nanggad matatakot ni matitikbahan; mayo na nin mawawara sainda. Ako, an Kagurangnan, an nagtaram.”

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Jeremias 4:27

Nagtaram an Kagurangnan na an bilog na daga magigin sarong kalangtadan, alagad dai niya iyan raraoton nanggad.)

Jeremias 5:10

Susugoon ko an mga kaiwal na raoton an mga ubasan kan sakong banwaan, alagad na dai pagraoton an gabos. Sasabihan ko sinda na putolon an mga sanga, huli ta bako kong sadiri an mga sangang idto.

Jeremias 5:18

An Kagurangnan nagsasabi, “Alagad dai ko nanggad pupuhoon an sakong banwaan maski sa panahon na iyan.

Jeremias 51:46

Dai kamo mawaraan nin kosog nin boot ni matakot huli kan mga bareta na saindong nadadangog. Lambang taon ibang bareta an minaabot—bareta nin kadahasan sa daga asin nin pag-iriwal kan mga hade.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Mga Gibo 18:10

huli ta kaiba mo ako. Dai ka maaano huli ta dakul an mga parasunod ko sa syudad na ini.”

1 Corinto 11:32

Alagad hinuhukoman kita saka pinapadusahan nin Kagurangnan bilang paglinig sato, tanganing dai kita padusahan kaiba kan kinaban.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.