Jeremias 46:27 - Marahay na Bareta Biblia

²⁷ “Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, sa daga na pinagbilanggoan saindo. Mapuli kamo saka mamumuhay na matoninong; magigin matiwasay kamo, asin mayong mapatakot saindo.

Jeremias 46:27 ပူးပေါင်းရင်းမြစ်များ

Isaias 14:3

An banwaan nin Israel tatawan nin Kagurangnan nin kapahingaloan sa saindang mga tinios na kulog saka kasakitan, asin sa magabat na trabaho na pirit na ipinagibo sainda.

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 43:5

Dai ka matakot—kaiba mo ako! “Ipupuli ko saimo an saimong namamanwaan hale sa sirangan asin sa solnopan.

Isaias 44:1

Nasasabi an Kagurangnan, “Maghinanyog ka ngunyan, Israel, sakong sorogoon, sakong piniling banwaan, kapagarakian ni Jacob.

Isaias 44:2

Ako an Kagurangnan na naglalang saimo; magpoon kan ika mamundag, tinabangan taka. Dai ka matakot; ika an sakong sorogoon, an sakong piniling banwaan na sakong namomotan.

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 32:37

Titiponon ko an mga tawo hale sa gabos na nasyon na pinagwarakan ko sainda kan ako maongis saka maanggot sainda. Ibabalik ko sinda sa lugar na ini asin matiwasay na pag-eerokan digdi.

Jeremias 33:16

Sa mga aldaw man na iyan, ililigtas an Juda saka mamumuhay na matiwasay an Jerusalem. An syudad aapodon ‘An Kagurangnan Samong Kaligtasan.’

Jeremias 50:19

Ibabalik ko sa sadiri nindang daga an Israel. Kakakanon ninda an kakanon na nagtatalubo sa Bukid nin Carmelo saka sa rehiyon nin Basan. Kakakanon ninda an gabos na magustohan ninda sa mga tinanom na nagtatalubo sa mga teritoryo nin Efraim saka sa Gilead.

Jeremias 51:46

Dai kamo mawaraan nin kosog nin boot ni matakot huli kan mga bareta na saindong nadadangog. Lambang taon ibang bareta an minaabot—bareta nin kadahasan sa daga asin nin pag-iriwal kan mga hade.

Ezekiel 16:53

Tinaraman nin Kagurangnan an Jerusalem, “Papauswagon ko giraray sinda—an Sodoma saka an saiyang mga baryo, asin an Samaria saka an saiyang mga baryo. Ika man, papauswagon ko giraray.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.