Jeremias 46:22 - Marahay na Bareta Biblia

²² Nagdudulag an Egipto, na arog sa nagdudulag na halas, huli ta nagdadangadang an hukbo kan kaiwal. Sinasalakay siya ninda kan dara nindang mga patok, arog sa mga lalaking nagpapalod nin mga kahoy,

Jeremias 46:22 ပူးပေါင်းရင်းမြစ်များ

Salmo 74:5

Pinatok ninda an mga pintoan, siring sa mga parapalod nin kahoy.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 14:8

An mga kahoy na sipres saka sedro nin Lebanon nag-oogma sa pagbagsak kan hade, huli ta mayo na nin mapalod sainda, ngunyan na mayo na siya!

Isaias 29:4

An Jerusalem makakaarog sa sarong kalag na naghihingowang makataram hale sa irarom nin daga, sarong sadit na tingog na nagluluwas hale sa alpog.

Isaias 37:24

Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Jeremias 46:21

Maski an saiyang tinandanan na mga soldados garo mga ogbon na baka na dai pa tataong lumaban. Dai sinda nagtindog saka nakilaban; sinda gabos nag-aratras saka nagdurulag. Nag-abot na an aldaw nin saindang kapahamakan; an panahon na sinda papadusahan.

Jeremias 46:23

asin nagraraot kan sarong mahibog na kadlagan. An saindang mga tawohan kadakul nin marahay kaya dai mabilang; mas dakul sinda ki sa mga doron.

Mikas 1:8

Dangan nagsabi si Mikas, “Huli kaini, magmomondo saka mananambitan ako. Malakaw akong nakabitis asin huba sa pagpahiling kan sakong kamondoan. Makurahaw ako arog sa sarong lalaw na ayam asin mahaya ako arog sa dakulang gamgam.

Mikas 7:16

Mahihiling ini kan mga nasyon asin masosopog sinda, huli ta makokosog sinda. Sa katakotan, titikomon ninda an saindang mga ngoso asin tatahoban an saindang mga talinga.

Zacarias 11:2

Paghibi asin paghaya, mga kahoy na sipres— nagkaturumba na an mga sedro; nagkararaot na an mamuraway na mga kahoy na idto! Paghibi asin paghaya, mga hamurawon nin Basan— purotol na an kakahoyan sa mahibog na kadlagan!

Josue 9:21

Pabayaan nindo sindang mabuhay, alagad kaipuhan magputol sinda nin kahoy asin magsakdo nin tubig para sato.” Ini an nagin pahayag kan mga lider.